Спадчына
Трансфармацыя – ад індывідуума да грамадства.
Напісаны кнігі, працуюць школы, аздараўленчыя цэнтры, акадэмія мастацтва і музыкі, маецца таксама прытулак для бяздольных, але спадчына Шры Матаджы - гэта нешта значна большае.
Ні адзін помнік ці няўрадавая арганізацыя не можа прадэманстраваць сапраўдную спадчыну Шры Матаджы Нірмала Дэві, яна вышэй за ўсё гэта.
Тое, што Шры Матаджы падарыла свету, - гэта не філасофія, дактрына і нават сістэма перакананняў. Гэта незвычайная рэч: самарэалізацыя. Гэта першаснае духоўнае абуджэнне - тое, што літаральна здольна змяніць свет.
У адрозненне ад большасці рэцэптаў пераменаў, у Сахаджа Ёзе змены бяруць пачатак з інтымнай і паступова развіваючай самасвядомасці індывідуума. Таму спадчынай Шры Матаджы свету з'яўляецца такая іскра духоўнага ўсведамлення.
Праз сваю дзейнасць яна стварыла глабальную супольнасць практыкаў Сахаджа-ёгі ў больш за 100 краінах. Усе яны аб'яднаныя агульным імкненнем змяніць саміх сябе і, тым самым, стварыць магчымасць для пераўтварэнняў на шырэйшым узроўні.

Яе бачанне не заключалася ў стварэнні інстытутаў або рухаў - яе пасланне было засяроджана на асобы, на Самасці. Яна вучыла свет, што толькі прыхільнасць да сапраўднай індывідуальнай і калектыўнай духоўнасці можа вырашыць глабальныя праблемы. Яна таксама настойвала на свабодзе асобы - у Сахаджа Ёзе няма догмаў або дактрын, ёсць толькі прасветленае ўсведамленне таго, што падыходзіць для духоўнага развіцця кожнага.
«Мая задача - зрабіць так, каб вы маглі вырашаць свае ўласныя праблемы... Вы павінны быць сваім уласным доктарам. Вы павінны быць сваім уласным гуру.»
Абуджаючы ў чалавеку адчувальныя змены праз актывацыю Кундаліні і наступную медытацыю, яна вучыла свет, як дасягнуць вышэйшай мэты, чым проста матэрыяльны поспех або ўлада. «Мы павінны дасягнуць унутранага свету», - раіла яна. «Спрабуйце медытаваць. Медытуйце, каб дасягнуць сваёй унутранай істоты. Гэтая ўнутраная істота — бязмежны акіян асалоды!»
Трансфармацыі праз самарэалізацыю, як спадчына ад Шры Матаджы, і дагэтуль датычыць жыццяў мільёнаў людзей. Практыкуючы медытацыю Сахаджа Ёгі, яны дасягаюць сапраўднага ўнутранага міру і абсалютнай волі жыць у гармоніі з грамадствам і з Маці-Прыродай.