Pagkamalikhain
Ang Pagpapahayag ng Panloob na Kagandahan
Sa buong buhay at gawain niya, nag-ukol si Shri Mataji ng maraming oras at enerhiya sa pagtataguyod ng sining. Nakita niya ito bilang isa sa mga pangunahing paraan ng pagpapahayag at pagpapayaman sa mga kulturang pandaigdig. Partikular, nais niyang mapangalagaan ang mayaman at sinaunang tradisyong sining ng kanyang katutubong India, at aktibo niyang hinihikayat ang paglaganap nito sa buong mundo.
Noong 2003, kasama ang tulong ng kanyang kapatid (magiliw na tinawag na Babamama), nagtatag si Shri Mataji ng isang sentro para sa sining sa Maharashtra, India. Nagmumula ang mga estudyante mula sa iba't ibang panig ng mundo upang mag-aral ng klasikal na musika, sayaw, at pagpipinta ng India sa mapayapang kapaligirang ito sa lalawigan. Personal na ginabayan ni Shri Mataji ang disenyong arkitektural ng PK Salve Arts Academy , gayundin ang ibang mga gusaling itinayo para sa mga layuning makatao, kabilang ang Vishwa Nirmala Prem Centre para sa mga dukhang babae at ulilang bata sa Delhi.
Vishwa Nirmala Prem Centre for Destitute Women and Orphan Children
Kinilala niya ang kahalagahan ng mga gawang-kamay, at bilang bahagi ng tradisyon ni Mahatma Gandhi, patuloy niyang sinusuportahan ang mga cottage industry na mahalaga sa buhay pang-ekonomiya at pangkultura ng India.
Sa paglipas ng mga taon, sinuportahan ni Shri Mataji ang ilan sa pinaka-kilalang eksponent ng klasikal na musika at sayaw ng India, inaanyayahan sila na magtanghal sa mga konsiyerto at programa. Marami sa mga nagtanghal sa kanyang presensya ang naglarawan nito bilang isang mapagbagong sandali sa kanilang pag-unlad bilang artista. Natagpuan nilang ang kanyang matinding malikhaing enerhiya ay nagpapataas ng kanilang sariling pagkamalikhain at kasanayan sa pagtatanghal.
Ilan lamang sa mga kilalang artistang nagtanghal sa paanyaya ni Shri Mataji ay sina Ustad Amjad Ali Khan, Debu Chaudhari, at Ustad Bismillah Khan. Siya mismo ay sumulat ng mga aklat, bhajan (mga kantang debosyonal ng India), at tula.
Kasama sa suporta ni Shri Mataji sa sining ang matibay na pagsuporta sa teatro. Hinikayat niya ang isang grupo ng mahuhusay na performer ng teatro na magtulungan bilang Theatre of Eternal Values. Nabuo sa Ghent, Belgium noong 1993, patuloy pa ring naglalakbay ang ensemble na ito nang internasyonal, na nagtatanghal ng mga obra ng mga playwright na nagbibigay-inspirasyon sa kamalayan-sa-sarili at espiritwalidad ng kanilang mga manonood.
Nakikipagtulungan din ang Theatre of Eternal Values sa mga paaralan, unibersidad, kompanya, at komunidad upang magbigay ng praktikal na kadalubhasaan sa mga proyektong pang-edukasyon at pansining tulad ng Culture of the Spirit Festival at ng International Nirmal Arts Academy, na ginaganap taun-taon sa Piemonte, Italy.
Culture of the Spirit Festival
International Nirmal Arts Academy
Ayon sa sinaunang tradisyong yoga ng India, ang tao ay may pitong mahahalagang katangian. Ang ikalawa dito ay ang prinsipyo ng pagkamalikhain, na kung wala ito, ang potensyal para sa self-realization o kamalayan-sa-sarili ay lubhang limitado, kung hindi man imposible. Dahil dito, hinangad ni Shri Mataji na pukawin ang malikhaing kapangyarihan ng mga indibidwal at komunidad sa lahat ng bansang kanyang dinalaw.