ഒരാൾ ചക്രങ്ങളെ സങ്കൽപ്പിക്കുന്നത് ഒരു കൂട്ടം അഗ്നിനാളങ്ങളായോ, താമരദളങ്ങളായോ ആയിരിക്കാം. നാഡീവ്യൂഹത്തിന് ഉള്ളിലുള്ള ഞരമ്പുകളുടെ എണ്ണത്തിന് അനുസൃതമായി ഓരോ ചക്രങ്ങളുടെയും ദളങ്ങളുടെ എണ്ണത്തിൽ വ്യത്യാസമുണ്ടാവും. നാഡീവ്യൂഹം നമ്മുടെ ശരീരത്തിലും തലച്ചോറിലുമുള്ള വിവരങ്ങളുടെ ഒഴുക്കിനെ നിയന്ത്രിക്കുകയും, നമ്മുടെ ജീവിതത്തിന്റെ ഐക്യത്തോടെയുള്ള പ്രവർത്തനത്തെ സുഗമമാക്കുകയും ചെയ്യുന്നു. നമ്മുടെ ശാരീരികവും മാനസികവും വൈകാരികവുമായ എല്ലാ പ്രവർത്തനങ്ങളുടെയും അടിസ്ഥാനം അതാണ്. അതുകൊണ്ട് തന്നെ, നമ്മുടെ ശാരീരികവും മാനസികവും വൈകാരികവുമായ ചില സ്വഭാവങ്ങളുമായി ഓരോ ചക്രവും ബന്ധപ്പെട്ടിരിക്കുന്നു. ശാരീരികമായോ മാനസികമായോ വൈകാരികമായോ നമുക്ക് അസ്വസ്ഥതകൾ അനുഭവപ്പെടുമ്പോൾ അത് ഈ ചക്രങ്ങളിലുള്ള സൂക്ഷ്മമായ തടസ്സങ്ങളോ പ്രതിബന്ധങ്ങളോ മൂലമാണ് സംഭവിക്കുന്നത് എന്ന് മനസ്സിലാക്കേണ്ടിയിരിക്കുന്നു.

നമ്മുടെ നാഡീവ്യവസ്ഥയുടെ ബാഹ്യമായ വിപുലീകരണവും,നമ്മുടെ സൂക്ഷ്മ ശരീരത്തിന്റെ ബാഹ്യമായ വിപുലീകരണവും സമാനമാണ്. ഇത് നമ്മുടെ സുഷുമ്നാനാഡിക്കുള്ളിലെ ചക്രങ്ങളേയും നമ്മുടെ കൈകളിലും കാലുകളിലുമുള്ള അനുബന്ധ അഗ്രഭാഗങ്ങളേയും തമ്മിൽ പരസ്പരം ബന്ധിപ്പിക്കുന്നു.നമ്മുടെ ശരീരത്തിനുള്ളിലെ ഈ സ്ഥാനങ്ങളേയും അതിനോടനുബന്ധിക്കുന്ന സൂക്ഷ്മ ചക്രങ്ങളെയും ശരിയായി വ്യാഖ്യാനം ചെയ്യാൻ അറിയാവുന്ന ഒരാൾക്ക്,അയാളുടെ ശാരീരികവും മാനസികവും വൈകാരികവും ആത്മീയവുമായ അസ്തിത്വത്തെ എളുപ്പത്തിൽ കൈകാര്യം ചെയ്യാൻ കഴിയും.ഇനി അങ്ങോട്ട് പരമമായ പ്രപഞ്ച സത്യത്തിൽ നിന്ന് ഒരാൾക്ക് വേറിട്ട് നിൽക്കാനാവില്ല , മറിച്ച്, ആത്മജ്ഞാനത്തിലൂടെ ഗ്രഹിച്ച സത്യത്തിലൂടെ അയാൾക്ക് മിഥ്യാധാരണകളിൽ നിന്ന് സ്വയം വേർപെട്ട് നിൽക്കാൻ കഴിയുകയും ചെയ്യുന്നു.