ഒരിക്കൽ ഇംഗ്ലണ്ടിലെ ഒരു പത്രപ്രവർത്തകൻ ചോദിക്കുകയുണ്ടായി, "താങ്കൾക്ക് എന്തെങ്കിലും നിരാശകൾ ഉണ്ടായിട്ടുണ്ടോ?" ശ്രീ മാതാജി മറുപടി പറഞ്ഞു, "എനിക്ക് നിശ്ചയങ്ങളോ നിരാശകളോ ഉണ്ടായിട്ടില്ല!" തുടർന്നുണ്ടായ പൊട്ടിച്ചിരി, ശ്രീ മാതാജിയുമൊത്തുള്ള നിരവധി സംഭാഷണങ്ങളുടേയും പ്രത്യേകതയായിരുന്നു. അത് ചിലപ്പോൾ നർമ്മം നിറഞ്ഞതും അസാധാരണവുമാവാം, മാത്രമല്ല പലപ്പോഴും ആകസ്മികമായ വഴിത്തിരിവുകളിലേക്ക് കടക്കുകയും ചെയ്യും.

മിക്ക ആളുകളും മുമ്പ് കണ്ടിട്ടില്ലാത്ത വിഷയങ്ങൾ തമ്മിലുള്ള ബന്ധം വെളിപ്പെടുത്താനുള്ള കഴിവ് ശ്രീ മാതാജിക്കുണ്ടായിരുന്നു, ഇത് ശ്രീമാതാജിയുടെ സംഭാഷണങ്ങളും കഥകളും ആകർഷകവും അവിസ്മരണീയവുമാക്കി. വിജ്ഞാനപ്രദവും പ്രബുദ്ധവുമായ അത്തരം ആയിരക്കണക്കിന് പ്രഭാഷണങ്ങൾ ശ്രീ മാതാജി നടത്തിയിരുന്നു. ശ്രീമാതാജിയുടെ കൂടുതൽ പേജുകൾ ഉൾപെടുത്തിയ പാസ്‌പോർട്ട് ഏകദേശം ഒരിഞ്ച് കട്ടിയുള്ളതായിരുന്നു, കഴിയുന്നത്ര ആളുകളിലേക്ക് എത്തിച്ചേർന്ന് ആത്മസാക്ഷാത്കാരം നൽകണമെന്നുള്ള, ശാശ്വതമായ ഉദ്ദേശത്തോടെ ശ്രീമാതാജി ലോകമെമ്പാടും സഞ്ചരിക്കുകയും സന്ദർശിച്ച പല സ്ഥലങ്ങളുടെയും മുദ്ര പാസ്പോർട്ടിൽ പ്രതിഫലിക്കുകയും ചെയ്യുന്നു.

കേവലം ഹ്രസ്വമായ അഭിവാദനങ്ങളുടെയും വിടവാങ്ങലുകളുടെയും ഒരു പരമ്പരയല്ലാതെ, ശ്രീമാതാജി തീർച്ചയായും ആയിരക്കണക്കിന് ആളുകളുമായി സന്ധിച്ചു. ലോകജ്ഞാനമുള്ളവരും, പ്രഗത്ഭരുമായ വ്യക്തികളായാലും, എളിയ ഗ്രാമീണരായാലും, തന്റെ മുന്നിലുള്ള വ്യക്തിയെ ആഴത്തിൽ മനസ്സിലാക്കുന്നതിലൂടെ, ശ്രീ മാതാജി ആ വ്യക്തിയുടെ അസ്തിത്വത്തിലേക്ക് ഗഹനമായി ഇറങ്ങി ചെല്ലുന്നു. കാരണം ശ്രീമാതാജിയെ സംബന്ധിച്ചിടത്തോളം എല്ലാവരും കഴിവുള്ളവരും പ്രാധാന്യമുള്ളവരും ആയിരുന്നു.

ഈയൊരു അന്തർലീനമായ ശക്തിയാണ്..., ആത്മാവാകാനും, ബന്ധം സ്ഥാപിക്കാനും, ആത്മസാക്ഷാത്കാരം നേടാനുമുള്ള ഓരോ വ്യക്തിയുടെയും കഴിവാണ് ശ്രീ മാതാജിയെ ഈ ഉദ്യമത്തിന് പ്രേരിപ്പിച്ചത്. ചില ആളുകൾ ശ്രീ മാതാജിയെ തിരിച്ചറിഞ്ഞു, ചിലർ തിരിച്ചറിഞ്ഞില്ല. അത് ഒരോ വ്യക്തികളുടേയും അവസ്ഥയെ ആശ്രയിച്ചാണിരുന്നത്. അതായത് ശ്രീമാതാജി ആരാണെന്നതിലുപരി, അവർ സ്വയം ഉള്ളിൽ എവിടെയാണ് സ്ഥാപിച്ചിരിക്കുന്നത് എന്നതിനെ ആശ്രയിച്ചായിരിക്കും. ചിലർ ശ്രീമാതാജിയെ കണ്ടു, മനസ്സിലാക്കി, അടുത്തു വന്നു, മറ്റുള്ളവർ പിന്തിരിഞ്ഞു പോയി...