വൃത്തിയുള്ളതും മലിനീകരിക്കപ്പെടാത്തതുമായ സമുദ്രം എന്ന തത്ത്വചിന്ത പ്രചരിപ്പിക്കുന്നതിനുപുറമെ, നാവികരുടെ ഉയർന്ന സുരക്ഷ, അവരുടെ ഉയർന്ന പരിശീലന നിലവാരം, ഉന്നത സമുദ്ര സുരക്ഷ എന്നിവയ്ക്ക് വളരെയധികം സംഭാവന നൽകിയ പ്രധാന സമുദ്ര പ്രതിനിധിയോഗങ്ങളുടെയും, നിയമ ഗ്രന്ഥങ്ങളുടെയും പിന്നിലെ ശക്തി അദ്ദേഹമായിരുന്നു.

നാവികർക്കായുള്ള പരിശീലനം, സർട്ടിഫിക്കേഷൻ, ജാഗരൂഗമായ കാവൽ എന്നിവയുടെ മാനദണ്ഡങ്ങൾ; സമുദ്ര തലത്തിലുള്ള തിരച്ചിലും രക്ഷാപ്രവർത്തനവും; സമുദ്ര ഗതാഗത സുരക്ഷയ്‌ക്കെതിരായ നിയമവിരുദ്ധമായ പ്രവൃത്തികളും അടിച്ചമർത്തലുകളും; വൻകരത്തട്ടിൽ സ്ഥിതി ചെയ്യുന്ന സ്ഥിര പ്ലാറ്റ്‌ഫോമുകളുടെ സുരക്ഷയ്‌ക്കെതിരായ നിയമവിരുദ്ധമായ പ്രവൃത്തികളും അടിച്ചമർത്തലുകളും, ഇവക്കെതിരെ പെരുമാറ്റച്ചട്ടങ്ങളും, ചരിത്ര സംഭവങ്ങളായ പ്രതിനിധിയോഗങ്ങളും ശ്രീവാസ്തവ അധികാരത്തിലിരിക്കുമ്പോഴാണ് ഇന്റർനാഷണൽ മാരിടൈം ഓർഗനൈസഷൻ വികസിപ്പിക്കുകയും, സാധൂകരിക്കുകയും ചെയ്യുന്നത്.

1970-കളുടെ തുടക്കത്തിൽ ഉണ്ടായ നിരവധി അപകടങ്ങളെ തുടർന്ന്, ടാങ്കർ സുരക്ഷയും മലിനീകരണ പ്രതിരോധവും സംബന്ധിച്ച് ഒരു നിർണായക സമ്മേളനം സംഘടിപ്പിക്കാൻ അദ്ദേഹം പ്രേരിതനായി. ഇതിനെത്തുടർന്ന് ടാങ്കർ രൂപകൽപ്പനയെയും പ്രവർത്തനത്തെയും ബാധിക്കുന്ന നടപടികൾ, കടലിലെ ജീവിത സുരക്ഷ, കപ്പലുകളിൽ നിന്നുള്ള മലിനീകരണം തടയുന്നതിനുള്ള അന്താരാഷ്ട്ര കൺവെൻഷൻ തുടങ്ങിയ തീരുമാനങ്ങൾ ഐ എം ഒ യുടെ 1978 ലെ പ്രോട്ടോക്കോളിൽ ഉൾപ്പെടുത്തി. ഷിപ്പിംഗ് കോർപ്പറേഷൻ ഓഫ് ഇന്ത്യയുടെ സ്ഥാപക ചീഫ് എക്‌സിക്യൂട്ടീവായിരുന്നു അദ്ദേഹം. ജീവനക്കാരുടെ ക്ഷേമത്തിന്റെയും സുരക്ഷയുടെയും പ്രശ്‌നങ്ങൾ അഭിസംബോധന ചെയ്യുന്നതിലുള്ള പരിചചയസമ്പന്നതയും, വളർന്നുവരുന്ന കമ്പനിയെ വൻതോതിൽ വൈവിധ്യവത്ക്കരിക്കുന്നതിൽ വിദഗ്ദനുമായിരുന്ന അദ്ദേഹത്തിന് കൂടുതൽ ഉത്തരവാദിത്തങ്ങളും ഭൂമികകളും ഏറ്റെടുത്ത് ഐ എം ഒ -യെ അനായാസം നയിക്കാൻ കഴിഞ്ഞു.
അദ്ദേഹത്തിന്റെ മേൽനോട്ടത്തിൽ, ഏജൻസി അംഗത്വ ശക്തിയിലും, വ്യാപ്തിയിലും വളർന്നു, വികസ്വര രാജ്യങ്ങളിലേക്ക് എത്തിച്ചേരാനുള്ള അതിന്റെ പ്രത്യക്ഷമായ വരേണ്യത ഒഴിവാക്കാൻ പറ്റി. ഇന്ന് അതിന്റെ ഭൂരിഭാഗം അംഗത്വം ഈ രാജ്യങ്ങൾക്കാണ് ഉള്ളത്.

വേൾഡ് മാരിടൈം യൂണിവേഴ്‌സിറ്റിയുടെ നിലവിലുള്ള പ്രസിഡന്റ് ബിയോൺ ജെർഫ്, ഡോ. ശ്രീവാസ്തവയെ വിശേഷിപ്പിക്കുന്നത് അതിശയകരമായ പ്രേരണാ വൈദഗ്ധ്യമുള്ള ഒരു മികച്ച നേതാവാണെന്നാണ്.“അദ്ദേഹത്തിന്റെ വിയോഗത്തിൽ ഞങ്ങൾക്ക് വളരെ സങ്കടമുണ്ട്.ഏകദേശം രണ്ട് വർഷം മുമ്പ് ഞാൻ അദ്ദേഹത്തെ സന്ദർശിക്കുകയും, സർവകലാശാലയുടെ മുപ്പതാം വാർഷികത്തോടനുബന്ധിച്ചുള്ള ബിരുദ ദാന ചടങ്ങിനായി ഈ മാസം ആദ്യം അദ്ദേഹത്തെ ക്ഷണിക്കുകയും ചെയ്തു. അതിനു വേണ്ട ധനം സ്വരൂപിക്കുന്ന കാര്യം ഒരിക്കലും എളുപ്പമായിരുന്നില്ല. ഐ എം ഒ കൗൺസിൽ അംഗങ്ങളെയും യു എൻ ഡി പിയെയും ബോധ്യപ്പെടുത്തി അതിനെ പടുത്തുയർത്തുന്നതിനായി ഫണ്ട് സ്വരൂപിക്കാൻ കഴിഞ്ഞത് അദ്ദേഹത്തിന്റെ മികച്ച നേട്ടമായിരുന്നു.” മിസ്റ്റർ ജെർഫ് സ്വീഡനിലെ മാൽമോയിൽ നിന്ന് "ദ ഹിന്ദുവിനോട്"..ഫോണിൽ പറഞ്ഞ കാര്യങ്ങൾ.

കേന്ദ്ര ഉപരിതല ഗതാഗതത്തിന്റെ മുൻ യൂണിയൻ സെക്രട്ടറി പി.എം. എബ്രഹാം, ഡോ. ശ്രീവാസ്തവയെ വീക്ഷണമുള്ള ഒരു ആകർഷകനായ നേതാവായി അനുസ്മരിക്കുന്നു."ഐ എം ഒ കൗൺസിൽ യോഗത്തിൽ ഇന്ത്യയെ പ്രതിനിധീകരിച്ച് പങ്കെടുത്തപ്പോഴാണ് ഞാൻ അദ്ദേഹത്തെ ആദ്യമായി കാണുന്നത്. സെക്രട്ടറി ജനറൽ എന്ന നിലയിൽ അദ്ദേഹം സാങ്കേതിക സമിതിയുടെ യോഗങ്ങൾ നിഷ്പക്ഷമായി നടത്തുമായിരുന്നു. മീറ്റിംഗ് അജണ്ട ലഭിക്കാത്തതിൽ ഒരു അംഗം എഴുന്നേറ്റു നിന്ന് മുറുമുറുക്കുന്നത് ഞാൻ ഓർക്കുന്നു. തെറ്റു പറ്റിയതിൽ ക്ഷമ ചോദിച്ചു കൊണ്ട് പ്രസംഗവേദിയിൽ നിന്ന് എഴുനേറ്റ് അയാൾക്ക് അജണ്ടയുടെ ഒരു കോപ്പി കൈമാറിയ സെക്രട്ടറി ജനറൽ വേദിയിലിരുന്നവരെ അത്ഭുതപ്പെടുത്തി. അത് അദ്ദേഹത്തിന്റെ വിനയമായ സംസ്ക്കാരമായിരുന്നു.”

ഡോ.ശ്രീവാസ്തവക്ക്‌ നല്ല നർമ്മബോധം ഉണ്ടായിരുന്നു. “പല രാജ്യങ്ങളിലും ഞാൻ അറിയപ്പെടുന്നത് നിർമ്മലയുടെ ഭർത്താവ് എന്നാണ്, ഐ എം ഒയുടെ സെക്രട്ടറി ജനറൽ എന്നല്ല,” അദ്ദേഹം തന്നേക്കാൾ കൂടുതൽ പ്രശസ്തയായ തന്റെ പങ്കാളിയെ കുറിച്ച് തമാശ പറയുമായിരുന്നു.

വിനയം, ദീർഘവീക്ഷണം, നല്ല വിവേചനാധികാരം, ദൃഢനിശ്ചയം എന്നിവയുടെ അപൂർവ മിശ്രിതമായിരുന്നു അദ്ദേഹം. നേതൃത്വം അദ്ദേഹത്തിന്റെ സ്വാഭാവിക ശക്തിയായിരുന്നു. ”ഒരു വ്യക്തിക്ക് ഇത്ര പെട്ടെന്ന് അന്താരാഷ്ട്ര സ്വീകാര്യത ലഭിക്കുന്നത് അപൂർവമാണ്. കടൽ യാത്രക്കാരുടെ സുരക്ഷയ്ക്കായി അദ്ദേഹത്തിന്റെ മാർഗനിർദേശപ്രകാരം തയ്യാറാക്കിയ നീർത്തട മാരിടൈം കൺവെൻഷനുകളിലൂടെ അദ്ദേഹം എന്നും ഓർമ്മിക്കപ്പെടും," മുൻ കേന്ദ്ര ഷിപ്പിംഗ് സെക്രട്ടറി കെ.മോഹൻദാസ് പറയുന്നു. ഏകദേശം 70 രാജ്യങ്ങളോളം അദ്ദേഹത്തെ അവരുടെ പരമോന്നത ബഹുമതികൾ നൽകി ആദരിച്ചിട്ടുണ്ട്.

എലിസബത്ത്-II രാജ്ഞി നൽകിയ വിശുദ്ധ മൈക്കിൾ, സെൻറ് ജോർജ്ജ് എന്നിവരുടെ ഏറ്റവും വിശിഷ്ടമായ "ഓർഡർ ഓഫ് ദി ഓണററി നൈറ്റ് കമാൻഡർ" എന്ന പദവി അദ്ദേഹത്തിന് ലഭിച്ച നിരവധി അംഗീകാരങ്ങളിൽ ഉൾപ്പെടുന്നു.