1970-മുതൽ 2011-ൽ മരണം വരെ ശ്രീ മാതാജി ആറ് ഭൂഖണ്ഡങ്ങളിലൂടെ സഞ്ചരിച്ചു, ആളുകളുടെ പശ്ചാത്തലമോ അവരുടെ ആത്മീയ ആഭിമുഖ്യമോ പരിഗണിക്കാതെ എല്ലാവർക്കും ആത്മസാക്ഷാത്ക്കാരം പ്രാപ്യമാണെന്ന സന്ദേശം പ്രചുരമാക്കി. ശ്രീ മാതാജിയുടെ മാതൃത്വം തുളുമ്പുന്ന വ്യക്തിത്വം, വിരസവും കർക്കശവുമായ ഒരു പാരമ്പര്യ ഗുരുവിന്റെ മാതൃകയിൽ നിന്ന് വളരെ അകലെയായിരുന്നു, എന്നുമാത്രമല്ല ശ്രീ മാതാജി എപ്പോഴും സ്നേഹത്തോടെയാണ് തന്റെ അറിവുകൾ പകർന്നു നൽകിയത്. ശ്രീമാതാജിയുടെ സംഭാഷണങ്ങളും രചനകളും, ജ്ഞാനപൂർണ്ണമായിരുന്നു എന്നുമാത്രമല്ല കുട്ടികളെ വളർത്തുന്നത് മുതൽ കൃഷി, സാമ്പത്തിക അച്ചടക്കം, ആത്മീയ പരിണാമത്തിനുള്ള മഹത്തായ മനുഷ്യ സാധ്യതകൾ തുടങ്ങിയ വിഷയങ്ങളിൽ പ്രായോഗിക മാർഗനിർദ്ദേശം നൽകുന്നവയുമായിരുന്നു.