യുഎൻ ഇന്റർനാഷണൽ മാരിടൈം ഓർഗനൈസേഷന്റെ സെക്രട്ടറി ജനറലായി തുടർച്ചയായി നാല് തവണ സേവനമനുഷ്ഠിച്ച അദ്ദേഹം ഒരു പ്രമുഖ രാഷ്ട്രതന്ത്രജ്ഞനായിരുന്നു. ആ സമയത്ത് എലിസബത്ത് രാജ്ഞി അദ്ദേഹത്തെ നൈറ്റ് (സർ )പദവി നൽകി ആദരിച്ചു.

സർ സി.പി. ഇന്ത്യൻ സിവിൽ സർവീസിൽ താരതമ്യേന അറിയപ്പെടാത്ത ഒരു യുവ ഉദ്യോഗസ്ഥനായിരിക്കെയാണ് ശ്രീ മാതാജിയുമായുള്ള വിവാഹം നടന്നത്. തന്റെ ഭാര്യയുടെ ഉപദേശവും അന്തർജ്ഞാനവും പിന്തുടർന്നതാണ് തന്റെ മഹത്തായ ഔദ്യാഗിക വിജയത്തിന് കാരണമായതെന്ന് അദ്ദേഹം പലപ്പോഴും അഭിപ്രായപ്പെട്ടിട്ടുണ്ട്.

അവരുടെ വിവാഹത്തിന് തൊട്ടുപിന്നാലെ, ഉന്നത പദവിയായ ഇന്ത്യൻ അഡ്മിനിസ്‌ട്രേറ്റീവ് സർവീസിൽ ചേരുകയോ, തുല്യമായി - അല്ലെങ്കിൽ അതിലധികമോ ആയ - അഭിമാനകരമായ നയതന്ത്ര വകുപ്പോ തിരഞ്ഞെടുക്കുന്നതിനുള്ള അസൂയാവഹമായ അവസരം അദ്ദേഹത്തിന് ലഭിച്ചു. ഒരു നയതന്ത്രജ്ഞനാകാൻ സുഹൃത്തുക്കൾ അദ്ദേഹത്തെ പ്രോത്സാഹിപ്പിച്ചു, കാരണം അദ്ദേഹത്തിന് ഒരു അംബാസഡർ പദവി വളരെ പെട്ടന്ന് തന്നെ ലഭ്യമാകുമായിരുന്നു.

എന്നാൽ ശ്രീമതി ശ്രീവാസ്തവ ഒരു മടിയും കൂടാതെ പറഞ്ഞു,“ഇല്ല, നമുക്ക് രാജ്യത്തിനകത്ത് തന്നെ തുടരാം. നമുക്ക് ഇവിടെ നിന്ന് തന്നെ നമ്മുടെ രാജ്യത്തെ സേവിക്കാം”. തുടർന്നുണ്ടായ സംഭവങ്ങൾ പ്രവചനങ്ങൾക്കുമപ്പുറത്തായിരുന്നു. അപ്രതീക്ഷിതമായ സമാഗമങ്ങളുടെ പരമ്പരകളിലൂടെ സർ സി.പി. ഇന്ത്യൻ പ്രധാനമന്ത്രി ലാൽ ബഹാദൂർ ശാസ്ത്രിയുടെ പേഴ്സണൽ സെക്രട്ടറിയായി നിയമിതനായി.