ഒരു പ്രമുഖ നയതന്ത്രജ്ഞന്റെ ഭാര്യയെന്ന നിലയിൽ ശ്രീ മാതാജിക്ക് ഇതിനകം തന്നെ ഉയർന്ന പദവിയുണ്ടായിരുന്നെങ്കിലും, പൊതു പരിപാടികളിൽ പ്രസംഗിച്ചും, പത്ര അഭിമുഖങ്ങൾ നൽകിയും, പ്രഭാഷണങ്ങൾ നടത്തിയും, എല്ലാറ്റിനുമുപരിയായി ആഗ്രഹിക്കുന്ന എല്ലാവരുമായും ആത്മസാക്ഷാത്കാരം പങ്കുവെച്ചും അവർ കൂടുതൽ പൊതു പരിപാടികളിൽ ഭൂമിക വഹിക്കാൻ തുടങ്ങി. സത്യത്തിന്റെ സന്ദേശവും, അക്ഷയമായ ഊർജ്ജവും നർമ്മബോധവും കൊണ്ട് ശ്രീ മാതാജി പോകുന്നിടത്തെല്ലാം ആളുകളെ ആകർഷിച്ചിരുന്നു. പതുക്കെ എന്നാൽ നിസ്സംശയമായും, യുണൈറ്റഡ് കിംഗ്ഡത്തിലും, ഇന്ത്യയിലും പിന്നീട് യൂറോപ്പിലും അമേരിക്കയിലും ഒടുവിൽ ലോകത്തിന്റെ മറ്റു ഭാഗങ്ങളിലും സഹജ യോഗയുടെ പരിശീലനം സ്ഥാപിതമായി.

1990-കളോടെ, ശ്രീ മാതാജി ഒരു ആഗോള വ്യക്തിത്വമായി മാറി, അവർ പോകുന്നിടത്തെല്ലാം മാധ്യമശ്രദ്ധ ആകർഷിച്ചു, കൂടാതെ തുടർച്ചയായി സ്തുത്യുപഹാരങ്ങളും അവാർഡുകളും അവരെ തേടി വന്നു. ശ്രീ മാതാജിയുടെ പേര് സമാധാനത്തിനുള്ള നോബൽ സമ്മാനത്തിന് നിർദ്ദേശിക്കപ്പെട്ടു. ആൽഫ്രഡ് നൊബേലിന്റെ ചെറുമകനും യുണൈറ്റഡ് എർത്ത് ഫൗണ്ടേഷന്റെ ചെയർമാനുമായ ക്ലേസ് നൊബേൽ, "നമ്മുടെ സ്വന്തം വിധിയുടെ യജമാനനാകാൻശ്രീ മാതാജി നമ്മെ ശക്തിപ്പെടുത്തുന്നു" എന്ന് പ്രഖ്യാപിച്ചു. ന്യൂയോർക്കിലെ യുഎൻ ആസ്ഥാനത്തും ബീജിംഗിൽ നടന്ന യു എൻ വനിതാ കോൺഫറൻസിലും സംസാരിക്കാൻ ശ്രീ മാതാജിയെ ക്ഷണിച്ചു. എണ്ണമറ്റ നഗര-പ്രാദേശിക സർക്കാരുകൾ ഒരു ദിനം ശ്രീ മാതാജിയുടെ ബഹുമാനാർത്ഥം ഔദ്യോഗികമായി സ്ഥാപിച്ചു.

മുംബൈയ്ക്ക് സമീപമുള്ള ഇന്റർനാഷണൽ ഹോസ്പിറ്റലും ക്യാൻസർ റിസർച്ച് സെന്റ്ററും ന്യൂഡൽഹിയുടെ പ്രാന്തപ്രദേശത്തുള്ള നിർധന സ്ത്രീകൾക്കുള്ള സ്ഥാപനമായ നിർമ്മൽ പ്രേമും ഉൾപ്പെടെ നിരവധി സർക്കാരിതര സംഘടനകൾ ശ്രീ മാതാജി സ്ഥാപിച്ചു. രോഗം, ആസക്തി തുടങ്ങിയ പ്രശ്‌നങ്ങളെ തരണം ചെയ്യാനും അവരുടെ ജീവിതത്തിൽ സന്തോഷവും അർത്ഥവും കണ്ടെത്താനും ആളുകളെ സഹായിക്കുന്നതിന് ഈ സ്ഥാപനങ്ങൾ ഇന്നും സഹജ യോഗയിലെ സാങ്കേതിക വിദ്യകളാണ് ഉപയോഗിക്കുന്നത്.

വളരെ പ്രസിദ്ധ ആയിത്തീർന്നിട്ടും, ശ്രീ മാതാജി എപ്പോഴും അനുകമ്പയും ദയയും താഴ്മയുള്ള വ്യക്തിത്വമായി തുടർന്നു. ശ്രീ മാതാജിയുടെ ഉദ്ദേശ്യം മാറിയില്ല, അതുപോലെ അവരുടെ സന്ദേശവും മാറിയില്ല. ‘മെറ്റാ മോഡേൺ എറ’ എന്ന തന്റെ പുസ്തകത്തിൽ ശ്രീ മാതാജി എഴുതിയത് പോലെ,"ദൈവിക സ്നേഹത്തിന്റെ സർവ്വവ്യാപിയായ ആനന്ദമുണ്ട്, എല്ലാവരും അത് ആസ്വദിക്കണമെന്ന് ഞാൻ ആഗ്രഹിക്കുന്നു." [1]

ശ്രീ മാതാജി തന്റെ ജീവിതാവസാനം വരെ ലോകമെമ്പാടും സഞ്ചരിക്കുന്നത് തുടർന്നു, പിന്നീടുള്ള വർഷങ്ങളിൽ പൊതുപരിപാടികളിൽ പങ്കെടുക്കുന്നത് കുറഞ്ഞു കാരണം അവർ തന്റെ അടുത്ത കുടുംബാംഗങ്ങളുമായാണ് കൂടുതൽ സമയം ചെലവഴിച്ചിരുന്നത്.

2011 ഫെബ്രുവരി ഇരുപത്തിമൂന്നാം തീയതി, 87-ആം വയസ്സിൽ ശ്രീ മാതാജി അന്തരിച്ചു. ശ്രീ മാതാജിയുടെ പൈതൃകം ഇന്നും നിലനിൽക്കുന്നു, ആത്മസാക്ഷാത്കാരത്തിന്റെ അനുഭവം എണ്ണമറ്റ ജീവിതങ്ങളെ ഇന്നും രൂപാന്തീകരിച്ചുകൊണ്ടിരിക്കുന്നു.