Shri Mataji Nirmala Devi
Një jetë kushtuar njerëzimit
Shri Mataji Nirmala Devi në heshtje transformoi jetë. Për më shumë se dyzet vjet, udhëtoi nëpër vende, duke ofruar për të gjithë leksione publike dhe përvojën e vetë-realizimit falas, pavarësisht nga raca, feja apo rrethanat. Ajo jo vetëm që u mundësoi njerëzve t'ua kalonin këtë përvojë të vlefshme të tjerëve, por u mësoi atyre teknikën e meditimit që duhet për ta ruajtur, e njohur si Sahaja Yoga.
Shri Mataji pohoi se ekziston një potencial shpirtëror i lindur brenda çdo qenieje njerëzore që mund të zgjohet spontanisht. Ajo theksoi se ky zgjim, i cilësuar si vetërealizim, nuk mund të blihet. Asnjëherë nuk janë kërkuar Para dhe as nuk do të kërkohen për përvojën e vetë-realizimit ose për mësimin e meditimit të Sahaja Yoga.
Nga ekuilibrimi i brendshëm dhe reduktimi i stresit që shoqëron praktikën e meditimit të Sahaja Yoga kanë përfituar tashmë qindra mijëra në mbarë botën. Aftësia për të aktivizuar shpejt dhe me lehtësi energjinë e lindur shpirtërore – dhe përjetimi i përfitimeve të saj – e dallon Sahaja Yoga nga format e tjera të meditimit. Me praktikë, individët janë në gjendje të drejtojnë energjinë e tyre dhe të korrigjojnë çekuilbrat mendore, fizike dhe emocionale për të arritur një gjendje mirëqenieje, qetësie dhe përmbushjeje.
Përveç Sahaja Yoga, e cila tani është krijuar në më shumë se 100 vende, Shri Mataji themeloi një organizatë joqeveritare për gratë dhe fëmijët e varfër, disa shkolla ndërkombëtare që mësojnë një kurrikul holistik, klinika shëndetësore që ofrojnë trajtim përmes teknikave të meditimit Sahaja Yoga dhe një akademi e arteve për të rigjallëruar aftësitë klasike të kërcimit, muzikës dhe pikturës.
Artikuj
Shri Mataji
Që në moshë shumë të re Shri Mataji u angazhua në botën përreth saj. Ndërsa prindërit ishin të përfshirë në mënyrë aktive në luftën për pavarësi në Indi, Shri Mataji, si një fëmijë i vogël, mori përgjegjësinë për shtëpinë. Mahatma Gandhi, ashramin e të cilit ajo e vizitonte shpesh në moshë të re, njohu tek ajo një mrekulli shpirtërore.
Transformimi Social
...Ajo bëri të njohur se të gjitha problemet njerëzore buronin nga mosnjohja e potencialit të tyre të vërtetë të brendshëm si qenie shpirtërore dhe se ky potencial mund të shfrytëzohej lehtësisht përmes vetë-realizimit. Transformimi i brendshëm, i cili është çelësi i transformimit social, ka shërbyer si gur themeli për të gjitha OJQ-të globale të nisura nga Shri Mataji.
Programet e Saj Publike
Nuk kishte vend shumë të vogël apo shumë të largët që bëhej pengesë për një vizitë. Nga shpatet e Himalajeve në pjesën e jashtme të Australisë; nga Londra në Stamboll në Los Anxhelos, Shri Mataji i kushtoi kohën e saj ndarjes së përvojës së vetë-realizimit me të gjithë ata që e dëshironin atë...