Në vitin 1947 u martua me Chandrika Prasad Shrivastava, një nëpunës civil i rangut të lartë indian, karriera e të cilit shtrihej duke shërbyer si sekretar personal i kryeministrit të ndjerë indian Lal Bahadur Shastri, më pas në katër mandate të njëpasnjëshme si Sekretar i Përgjithshëm i Organizatës Ndërkombëtare Detare të Kombeve të Bashkuara. Patën dy vajza. Gjatë kësaj kohe, ndërsa ajo rriti vajzat dhe mbështeti karrierën e burrit të shquar, Shri Mataji vazhdoi të tregojë një interes dashamirës për botën përreth saj. Ajo u përball me një gamë të gjerë njerëzish nga vende, kultura, nivele të të ardhurave dhe prejardhje të ndryshme dhe të lidhur me ta nëpërmjet një respekti të vërtetë. Qoftë duke diskutuar çështjet e shtetit me drejtues të rëndësishëm, apo çështjet familjare me një shofer taksie, ishte gjithmonë e hapur për të dëgjuar dhe kuptuar. Qëndroi kundër paragjykimeve, u ofroi mbrojtje atyre në nevojë, u angazhua në punë bamirësie, inkurajoi kulturën përmes muzikës dhe filmit, kultivoi tokën dhe u kujdes për një shtëpi të madhe. Qe një grua, nënë dhe motër e dashur dhe më në fund u bë edhe gjyshe.

Gjatë gjithë kohës thelloi perceptimin për natyrën njerëzore duke e përqendruar vëmendjen në mënyrën se si të ndihmonte qeniet njerëzore të ngrihen në potencialin më të lartë. Arriti të kuptonte se një transformim i tillë mund të ndodhte vetëm përmes procesit të vetë-realizimit, që është aktivizimi i energjisë delikate të brendshme (të quajtur Kundalini) e cila është e pranishme në të gjithë ne. Zgjimi i kësaj energjie ishte diçka që ajo do ta përjetonte vetë, përpara se t'i kushtonte jetën ndarjes me të tjerët.

Më 5 maj 1970 Shri Mataji filloi jetën shpirtërore. Në moshën 47-vjeçare gjeti një mënyrë dhe zhvilloi një metodë për të dhënë vetë-realizim masiv. Ajo dëshironte të ofronte një përvojë të vërtetë që njerëzit mund ta përdornin për të transformuar dhe shëruar veten e tyre. Ndryshe nga shumë të ashtuquajtur guru që përfituan nga ata njerëz që kërkonin njohuri shpirtërore, Shri Mataji donte të fuqizonte vetë kërkuesit me këtë njohuri. Ajo denoncoi të gjithë gurutë e rremë dhe gjatë gjithë jetës paralajmëroi kundër praktikave shpirtërore mashtruese dhe abuzive.

Kur burri i saj u bë Sekretar i Përgjithshëm i Organizatës Detare të OKB-së, Shri Mataji u transferua në Londër dhe filloi punën shpirtërore me një grup të vogël njerëzish. Udhëtoi nëpër Mbretërinë e Bashkuar duke dhënë leksione si dhe përvojën e vetë-realizimit. Kurrë nuk kërkoi para për këto programe, duke këmbëngulur se zgjimi i kësaj energjie shpirtërore të fjetur brenda të gjithë qenieve njerëzore ishte e drejta e tyre e lindjes dhe për rrjedhojë, nuk mund të paguhej. Ndërsa njerëzit përreth saj arritën të njohin cilësitë e jashtëzakonshme shpirtërore dhe amtare, ajo shpejt mori titullin e nderit "Shri Mataji" që do të thotë "Nënë e nderuar".

Metoda e meditimit përmes vetë-realizimit e zhvilluar nga Shri Mataji u quajt Sahaja Yoga. Gjatë gjithë viteve 1980, Shri Mataji udhëtoi vazhdimisht dhe pa u lodhur në Evropë, Australi dhe Amerikën e Veriut, duke ua mësuar këtë metodë pa pagesë të interesuarve. Në vitet 1990 udhëtimet e saj u përhapën në Amerikën e Jugut, Afrikë, Rusi, Evropën Lindore dhe Azi si dhe në rajonin e Paqësorit.

IInstitucionet në mbarë botën i dhanë çmime nderi dhe doktorata. Në vitin 1995 mbajti fjalwn në Konferencën e Katërt Botërore mbi Gratë në Pekin. Claes Nobel foli për nominimin e saj për Çmimin Nobel të Paqes në 1997 në Royal Albert Hall në Londër. Si admirues i madh i Shri Mataji dhe Sahaja Yoga, ai e shpalli atë "një burim shprese për njerëzimin" dhe "një pikë referimi për dallimin e së drejtës nga e gabuara".