![\"shri-mataji-while-touring-india-1981-to-1982\"](\"https:\/\/shrimataji.org\/test\/wp-content\/uploads\/2018\/07\/media_originals\/images\/shri-mataji-portraits\/shri-mataji-while-touring-india-1981-to-1982-1024x728.jpg\" "\\"shri-mataji-while-touring-india-1981-to-1982\\"")
\n\t<\/figure>\n\tAng unang bahagi ang siyang mahirap: hanapin ang walang-hanggan. Ang walang-hanggan ay ang katotohanan, at ano ba ang katotohanan? Ngayon, habang nakikipag-usap ako sa inyo, lahat kayo ay lubos na may kaalaman at mataas ang pinag-aralan. Hihilingin ko sa inyo na magkaroon ng bukas na isip, isang siyentipikong pananaw upang tingnan para sa inyong sarili kung ang aking sinasabi ay katotohanan o hindi, karanasan ninyo ito, at pakitunguhan ang lahat ng usapang ito bilang isang hypothesis. At kung ito ay lumabas na katotohanan, dapat nating tanggapin ito nang buong katapatan.<\/p>\n
May dalawang bagay na maaari nating hindi tanggapin, ngunit umiiral. Ang isa sa mga ito ay na ang buong sansinukob, ang buong nilikhang ito ay laganap, pinapayaman, at inaalagaan ng laganap na Kapangyarihan ng Pag-ibig ng Diyos. Sa makabagong panahong ito, kahit ang pagbanggit lamang ng pangalan ng Diyos ay sobra na. Tinatawag itong Paramachaitanya sa wikang Sanskrit, sa Qur’an ay tinatawag itong Ruh, sa Bibliya ay tinatawag itong ang laganap na Kapangyarihan ng Pag-ibig ng Diyos, o ang laganap na Kapangyarihan ng Banal. Ang tinatawag nating espirituwalidad, ang pagkabanal, ay ang diwa nito. Ito ang unang katotohanan.<\/p>\n\t
At ang pangalawang katotohanan ay na hindi tayo ang katawang ito, hindi ang isip na ito, hindi ang mga emosyon, hindi ang ego, ni ang mga iniisip na ito. Higit pa doon, tayo ay ang espiritu, tayo ay ang dalisay na espiritu. Ito ang dalawang bagay na sinasabi ng lahat ng relihiyon, anuman ang paraan ng kanilang pagpapahayag nito.<\/p>\n
Noong unang panahon nang magsimula ang paghahanap sa India – mayroon ang India ng ilang pribilehiyo kumpara sa ibang bansa. Una, napakaganda ng klima kaya kaya mong mamuhay sa isang gubat nang walang gaanong problema. Habang sa Kanluran, sasabihin nating nagsimulang lumabas ang mga tao tulad ng isang puno, ang mga Indian naman ay nagsimulang lumusot papasok sa kanilang mga ugat. At natuklasan nila, matagal na panahon na ang nakalilipas, ang Sahaja Yoga.<\/p>\n
Hindi ito isang makabagong bagay, ito ay isang sinaunang tinanggap na paraan ng pagkakamit ng pagsasanib sa Banal, na siyang yoga. Ang Sahaja ay nangangahulugang “isinilang na kasama mo” – ang saha ay “kasama,” ang ja ay “isinilang.” Ang isinilang na kasama mo ay ang karapatang makamtan ang pagsasanib na iyon sa Banal na Kapangyarihan.<\/p>\n\t
Ngunit ang sahaja ay nangangahulugan din ng “spontaneous,” dahil ito ang buh\u00e1y na kapangyarihan na gumagawa nito. May isang buh\u00e1y na kapangyarihan sa ating kalooban na naghubog sa atin upang maging tao mula sa yugto ng amoeba. At ngayon, may isa pang natitirang kapangyarihan na dapat kumonekta sa atin sa Banal. Ito ang tunay na kahulugan ng salitang yoga. At bawat tao ay may karapatang makasanib sa laganap na kapangyarihang iyon. Kaya ito ang huling hakbang ng ating ebolusyon.<\/p>\n
Sa antas ng tao, tulad ng alam ninyo, namumuhay tayo sa isang relatibong mundo. May mga taong nagsasabing mabuti ito, may mga taong nagsasabing mabuti iyon. May patuloy na tunggalian. Ngunit kung ito ay ang ganap na katotohanan, dapat ay walang dalawang opinyon tungkol dito. Kaya taos-pusong dapat nating tanggapin na hindi pa natin naaabot ang ganap na katotohanang iyon na nagpapatunay sa pag-iral ng Diyos, na nagpapatunay sa pag-iral ng laganap na kapangyarihang ito, na nagpapatunay sa katumpakan ng itinuro sa atin ng dakilang mga propeta, ng dakilang mga inkarnasyon.<\/p>\n\t
![\"\"](\"https:\/\/shrimataji.org\/test\/wp-content\/uploads\/2018\/07\/media_originals\/images\/shri-mataji-portraits\/shri-mataji-nirmala-devi-portrait.jpg\")
<\/p>\n\t
Siyempre, napunta ang mga relihiyon sa mga pagbabago at paglihis dahil sa pagsisikap ng tao, at maaaring nagmukha silang iba-iba, ngunit sila ay parang mga bulaklak lamang sa Puno ng Buhay sa iba’t ibang panahon, ayon sa timing – sa Sanskrit, ang salita para diyan ay samayachaa. Ayon sa panahon, naroroon ang pagpapakita, ngunit lahat sila ay nilikha sa iisang Puno ng Buhay. Ngunit pinulot sila ng mga tao, nagsimulang sabihin, “Akin ito. Akin ito,” at gamit ang mga patay na bulaklak, nagsimula silang mag-away. Ganito natin nakikita ngayon ang lumalabas na suliranin.<\/p>\n\t