സാൽവെ തന്റെ ഓർമ്മക്കുറിപ്പുകളിൽ എഴുതി,“മാർബിൾ ഓർഡർ ചെയ്തതിന് ശേഷം ഞങ്ങൾ ഒരു ബന്ധുവിനെ കാണാൻ പോയി.അവരുടെ മകൾ അവിടെയുള്ള റോബർട്ട്‌സൺ കോളേജിലെ ഒരു പ്രൊഫസറുടെ വിദ്യാർത്ഥിനിയായിരുന്നു.അദ്ദേഹം ആത്മീയ പ്രഭാഷണങ്ങൾ നടത്തുമായിരുന്നു.ആത്മീയതയോടുള്ള ശ്രീ മാതാജിയുടെ താത്പര്യം അറിയാവുന്നതു കൊണ്ട് എന്റെ ബന്ധു ശ്രീ മാതാജിയും പ്രൊഫസറും തമ്മിൽ ഒരു കൂടിക്കാഴ്ച ഏർപ്പാട് ചെയ്തു.ശ്രീ മാതാജിയെ കണ്ടയുടനെ,അദ്ദേഹം ശ്രീ മാതാജിയുടെ നേരെ കൈകൾ ഉയർത്തി ഓടി, ഉറക്കെ വിളിച്ചു പറഞ്ഞു : 'അമ്മേ, .. ഞാൻ നിങ്ങളെ കാണാൻ വളരെക്കാലമായി കാത്തിരിക്കുകയായിരുന്നു! ഇന്ന് എന്റെ സ്വപ്നം പൂർത്തീകരിക്കപ്പെട്ടു.' അങ്ങനെ പറഞ്ഞുകൊണ്ട് അദ്ദേഹം ശ്രീ മാതാജിയുടെ പാദങ്ങളിൽ സാഷ്ടാംഗം നമസ്ക്കരിച്ചു. ഇതിനെല്ലാം ഞാൻ സ്വയം സാക്ഷിയായിരുന്നു, അതുപോലെ എന്റെ ബന്ധുവും അവരുടെ മകളും.”

1961-ലായിരുന്നു ഇത്,ആ സമയം ശ്രീ മാതാജി തന്റെ ആത്മീയ പ്രവർത്തനങ്ങൾക്ക് തുടക്കം കുറിച്ചിരുന്നില്ല.സ്‌നേഹവും അർപ്പണബോധവുമുള്ള ഭാര്യയും അമ്മയുമായ ശ്രീ മാതാജി തന്റെ രണ്ട് പെൺമക്കൾ വളർന്ന് വിവാഹിതരാകുന്നതുവരെ കാത്തിരുന്നു.