Самарэалізацыя і Медытацыя
Унікальная спантанная актуалізацыя твайго сапраўднага «я»
Шры Матаджы выкарыстала старажытны метад абуджэння Кундаліні ( на санскрыце: «звітая»), які стаў асновай медытацыі Сахаджа Ёгі. Раней гэтая ўнутраная духоўная энергія абуджалася толькі ў адзінкавых людзей праз цяжкія практыкі ачышчэння і строгі аскетызм.
Шры Матаджы адкрыла спантанны спосаб абуджэння ўнутранай энергіі ў многіх людзей адначасова. Гэта стаўся спосаб, які не патрабуе ні спецыяльных ведаў, ні духоўнага досведу. Такое абуджэнне атрымала назву самапазнанне. Яно адбываецца натуральным чынам і можа лёгка перадавацца іншым — без аплаты, без дыпломаў і без неабходнасці быць чыімсьці вучнем. Такі спосаб можна параўнаць з агменьчыкам свечкі, які запальвае іншую свечку.
Шры Матаджы тлумачыць, што медытацыя без самапазнання — гэта як спроба завесці аўтамабіль, не ўключыўшы рухавік. Можна круціць руль і націскаць на педаль газу, але аўто не паедзе. Тое ж самае адбываецца з медытацыяй: усе намаганні будуць марнымі, калі чалавек не спазнае сваю сапраўдную сутнасць праз абуджэнне Кундаліні і не адчуе стану ўласнай унутранай тонкай сістэмы.
Праз самапазнанне чалавек пачынае ўсведамляць існаванне Кундаліні — тонкай унутранай энергіі, якая прысутнічае ў кожным з нас і знаходзіцца ў падставе хрыбта. Веды пра гэтую энергію былі вядомыя яшчэ ў старажытнасці ў розных культурах. Напрыклад, старажытныя грэкі называлі костку, што ўтрымлівае гэтую сакральную сілу, hieron osteon, што азначае «свяшчэнная костка». Калі гэтая дабратворная, пяшчотная энергія абуджаецца, яна падымаецца праз нашу тонкую сістэму, дакранаецца да сапраўднага «я» (Атмы), якое знаходзіцца ў сэрцы, і выходзіць наверх — праз верхнюю частку галавы, у вобласці роднічка. У гэты момант наша ўвага ўзносіцца ў асаблівы стан — ціхую, лёгкую, натуральную медытацыю, без унутранага напружання і высілкаў.
Чалавек можа практычна адчуць энергію Кундаліні, якая праяўляецца як прахалодны вецер над галавой і на далонях. Гэтая энергіі, з дапамогай рэгулярнай практыцы медытацыі Сахаджа Ёгі, аказвае лячэбны і балансуючы эфект на нашу сістэму. Яна таксама дапамагае дасягнуць стану, вядомага як свядомасць без думак[1],у якім розум знаходзіцца ў спакоі, але чалавек цалкам усведамляе навакольнае асяроддзе. Асноўная адметнасць медытацыі Сахаджа Ёгі ад іншых форм старажытных ёга-практык заключаецца ў тым, што раней шукачы павінны былі прайсці гады ачышчэння сваёй тонкай сістэмы пад кіраўніцтвам майстра, каб дасягнуць самапазнання. Шры Матаджы змяніла гэта, даўшы нам магчымасць спачатку асвятліць нашу тонкую сістэму, а потым цалкам пагрузіцца ў медытацыю.
З-за сваёй прастаты і даступнасці сотні тысяч людзей атрымалі самапазнанне праз Сахаджа Ёгу. Медытацыйныя цэнтры ў больш чым 100 краінах прапануюць бясплатныя курсы і падтрымку супольнасці для тых, хто займаецца гэтай простай, але эфектыўнай медытацыяй. Яна таксама была ўкаранёна ў карпарацыях, школах, бальніцах, турмах і іншых установах з станоўчымі вынікамі.
Досвед самапазнання праз Сахаджа Ёгу дае значныя перавагі тым, хто прысвячае нават невялікую колькасць часу штодзённай медытацыі. Гэта дапамагае знізіць стрэс і стомленасць, аднаўляе эмацыйны баланс і дае адчуванне супакою і задавальнення, нават у самых цяжкіх умовах.
Насамрэч, досвед самапазнання такі просты і лёгкі, што яго можна атрымаць нават у камфортных умовах свайго дома ці офіса, дзе ёсць доступ да Інтэрнэту.
Мы запрашаем нашых чытачоў паспрабаваць самапазнанне і распачаць шлях да ўнутранага міру, гармоніі і балансу.