പ്രഗത്ഭയായ ഒരു എഴുത്തുകാരി എന്ന നിലയിൽ,ശ്രീ മാതാജിയുടെ ഏറ്റവും ജനപ്രിയമായ കൃതിയാണ്,” മെറ്റാ മോഡേൺ ഇറ”- അതിൽ ഇന്നത്തെ ലോകത്തിന്റെ പ്രശ്‌നങ്ങളെക്കുറിച്ചുള്ള വ്യക്തമായ വിവരണവും അതിനെ തരണം ചെയ്യുന്നതിനുള്ള വിശദമായ പരിഹാരങ്ങളും നിർദ്ദേശിച്ചിരിക്കുന്നു.

ശ്രീ മാതാജിയുടെ കാഴ്ചപ്പാടിനെ കുറിച്ചും അനുഭവങ്ങളെ കുറിച്ചും ഒരു ധാരണ രൂപപ്പെടുത്തുന്നതിനുള്ള ഏറ്റവും നല്ല മാർഗ്ഗം ശ്രീ മാതാജിയുടെ അമൃതവാണി (പ്രസംഗം) കാണുകയോ കേൾക്കുകയോ ചെയ്യുക എന്നതാണ്. ഈ പ്രഭാഷണങ്ങൾ - ദൈർഘ്യമേറിയതോ ഹ്രസ്വമോ, അല്ലെങ്കിൽ ഔപചാരികമോ അനൗപചാരികമോ, അല്ലെങ്കിൽ പൊതുവായതോ വ്യക്തിപരമോ എന്തായാലും, അതെല്ലാം തന്നെ ശ്രീ മാതാജിയുടെ വിഖ്യാതമായ നർമ്മവും ജ്ഞാനവും നിറഞ്ഞവയാണ്. ശ്രീ മാതാജിയുടെ ശൈലി ലളിതമാണ്, അവ ഓരോന്നും കാതലായ രണ്ട് തത്വങ്ങളെ ചുറ്റിപ്പറ്റിയാണ്: ഒന്ന് ആത്മജ്ഞാനവും, രണ്ടാമത്തേത് നമ്മുടെ സഹജമായ ആത്മീയ പ്രകൃതത്തിനെ കുറിച്ചുള്ള അനാദിയായ സത്യവും.