ఈ స్వీయ-సాక్షాత్కార అనుభవాన్ని, ఈ ఉన్నత జ్ఞానాన్ని ప్రపంచంతో పంచుకోవాలని శ్రీ మాతాజీ గారికి తెలుసు.

"పని ప్రారంభించడంలో ఎటువంటి హాని లేదని నేను గ్రహించాను. గందరగోళం ముగిసింది. చివరికి సమయం ఆసన్నమైంది. భయపడాల్సిన పనిలేదు. ఈ కార్యము చేయాలిసిందే . మానవులలో సామూహిక చైతన్యాన్ని మేల్కొల్పడం కోసమే నేను ఈ లోకానికి వచ్చాను. ప్రజలు తమ స్వీయ-సాక్షాత్కారాన్ని పొందే వరకు లేదా వారి స్వంత ఆత్మను అర్థం చేసుకునే వరకు, ఈ పని అసాధ్యం అని నేను అనుకున్నాను. ఈ లోకంలో ఇంకెవరు ప్రయత్నించినా ప్రయోజనం ఉండదు.

శ్రీ మాతాజీ గారు తమ ఆధ్యాత్మిక కార్యము ఎలా ప్రారంభమైందో వివరించారు. "నాకు బాగా తెలిసిన ఒక వృద్ధురాలిపై నేను పని చేసాను. ఆమె ఆత్మ సాక్షాత్కారం పొందినప్పుడు నేను సంతృప్తి చెందాను. చాలా మంది ఇతరులు కూడా తమ ఆత్మ సాక్షాత్కారాన్ని పొందగలరని నేను భావించాను. ఒక వ్యక్తికి ఆత్మ సాక్షాత్కారం ఇవ్వడం సులభం. ఒక వ్యక్తికి అవగాహన కల్పించడం చాలా సులువుగా ఉంది, కానీ జనంపై సామూహిక స్థాయిలో పని చేయడానికి, మరికొంత కృషి అవసరం.

ప్రతి ఒక్కరూ ఒకే ఆత్మ సాక్షాత్కారంతో ప్రయోజనాన్ని పొందవలసి ఉంటుంది, అయితే ఈ రకమైన కార్యాలు సామూహిక స్థాయిలో ఇంతకు ముందెన్నడూ జరగలేదు. నేను ధ్యానం ద్వారా ఇవన్నీ సాధించాను."

ఆమె పని చాలా సంవత్సరాలుగా అట్టడుగు స్థాయిలో నిశ్శబ్దంగా కొనసాగింది. “నాలో ఉన్న శక్తుల గురించి ఎవరికీ తెలియదు. నా గురించి ఎవరికీ తెలియదు మరియు నా గురించి ఎటువంటి ఆలోచన లేదు. ” శ్రీ మాతాజీ గారు చెప్పేదానికి చాలా మంది ప్రజలు సిద్ధంగా లేరు. ఆమె సందేశం, విప్లవాత్మకమైనది మరియు సాహసోపేతమైనది, చాలా మంది మానవులకు తమను తాము అర్థం చేసుకోవడానికి ఒక ప్రాథమిక సవాలు.