సఖుబాయి మరియు ఆమె పిల్లలు సంపన్న, సుఖవంతమైన జీవితం నుండి తీవ్రమైన పొదుపు జీవితానికి అలవాటు పడవలసి వచ్చింది. అయితే, సఖుబాయికి తన పిల్లల చదువు చాలా ముఖ్యం,అంతేకాక ఆమె వారిలో ఆత్మత్యాగం, అంకితభావం అనే స్ఫూర్తిని నింపింది. ఇంట్లో కిరోసిన్ లేనప్పుడు, వారు వీధి దీపాల కింద చదువుకున్నారు.

అందరికంటే చిన్నవాడైన ప్రసాద్ రావు, అత్యంత ప్రతిభావంతుడైన విద్యార్థి ఆయన విద్యా జీవితమంతా స్కాలర్‌షిప్‌లను పొందాడు.న్యాయశాస్త్రం అభ్యసించి, ఛింద్వారా నగరంలోని ఒక ప్రసిద్ధ సంస్థలో చేరాడు. 

కొద్దికాలానికే ఆయనకు వివాహం జరిగింది, కానీ దురదృష్టవశాత్తు, 37 ఏళ్ల వయసులో ఐదుగురు పిల్లలు కలిగిన తర్వాత ఆయన భార్య మరణించింది. ఆయనకు ఇష్టం లేకపోయినా,పిల్లల శ్రేయస్సు దృష్ట్యా బంధువులు అతన్ని మళ్లీ వివాహం చేసుకోమని ఒప్పించారు.

నాగ్‌పూర్‌కు చెందిన కార్నెలియా కరుణా జాదవ్ అనే ఒక యువతి ఉండేది. ఆమె భారతదేశంలో గణితశాస్త్రంలో ఆనర్స్ డిగ్రీ పొందిన మొదటి మహిళ. ఆమె సంస్కృతంలో కూడా పండితురాలు ప్రాచీన భారతీయ సంస్కృతిపై మంచి అవగాహన కలిగి ఉండేది. ఆమె అత్యంత విద్యావంతురాలు కావడం వల్ల, ఆమె తండ్రికి ఆమెకు సమానమైన లేదా అంతకంటే ఎక్కువ విద్యా అర్హతలు ఉన్న భాగస్వామిని వెదకడం కష్టమైయింది.

ఉమ్మడి స్నేహితుల ద్వారా ప్రసాద్ రావు, కార్నెలియాకు ఆమె తండ్రికి వివాహ ప్రతిపాదన పంపారు. ఐదుగురు పిల్లలున్న ఒక వ్యక్తి యొక్క ఈ ప్రతిపాదనను అంగీకరించాలా వద్దా అనేది అంత తేలికగా తీసుకున్న నిర్ణయం కాదు. అయినప్పటికీ, అతని తెలివితేటలకు, దైవభక్తికి ఆమె ముగ్ధురాలైంది. చిన్న వయసులోనే తల్లిని కోల్పోయిన అతని పిల్లల పట్ల ఆమెకు ప్రగాఢమైన జాలి కలిగింది. వారికి 1920వ సంవత్సరం జూన్ 21న వివాహం జరిగింది.