1947 में उन्हंनि श्री चंद्रिका प्रसाद श्रीवास्तव सां शादी कई, जेके हिक वॾे पद ते भारतीय सेवक हुआ। उन्हंनि जो कॅरियर दिवंगत भारतीय प्रधानमंत्री श्री लालबहादुर शास्त्री जे निजी सचिव जे रूप में, संयुक्त-राष्ट्र अंतराष्ट्रीय समुद्री संगठन जे महासचिव जे रूप में लगातार चार कार्यकालनि तक कमु कयो। उन्हनिं खे ब॒ धियूँ हुयूं, इन समय ते उन्हनिं ॿिन्ही धियुन जी परवरिश कई ऐं पहिंजे प्रतिष्ठित पतीअ जे कॅरियर जो समर्थन कयो। श्री माताजी पहिंजी आस-पास जी दुनिया में ॾाढी रुचि रखणु जारी रखी। उहे अलग-अलग देशनिं जी संस्कृतियुनिं, आय स्तर ऐं उन्हंनि जी पृष्ठभुमि जे माण्हुनिं जी हिक विस्तृत श्रंखला सां गदु॒ संपर्क में आया ऐं उन्हनिं सां गदु॒ वास्तविक सम्मान सां जुडिया। चाहे महत्वपूर्ण नेताउनिं सां गदु॒ राज्य जे मसलनि जी चर्चा हुजे, या टेक्सी ड्रायवर सां गदु॒ उन्हनिं जे पारिवारिक मुद्दनिं ते, उहे हमेशा ॿुधण ऐं समझण लाइ तैयार हुंदा हुआ। उहे पूर्वधारणा या पक्षपात जे खिलाफ हुआ, जरूरतमंद माण्हुनि खे सुरक्षा दींदा हुआ। धर्मार्थ कमनिं में लॻियल हुंदा हुआ। संगीत ऐं फिल्मनि जे माध्यम सां संस्कृतीअ खे प्रोत्साहीत कंदा हुआ, जमीन ते खेती कंदा हुआ, ऐं हिकु व्यस्त घर हलाईंदा हुआ । उहे हिक प्यार करण वारी पत्नी, माऊ ऐं भेण हुआ ऐं आखिर में नानी ठहिया।

हर वक्त उन्हनिं माण्हुनिं जे स्वाभाव जी धारणाखे गहरो कयो ऐं पहिंजो ध्यान मनुष्य खे उनजे उच्चतम क्षमता ताईं वधाइण में मदद करण जे सर्वोत्तम तरीके ते केंद्रित कयो। उन्हनिं खे समुझण में आयो त अहिडो बदलाव सिर्फ आत्मसाक्षात्कार जी प्रक्रिया जे माध्यम सां थी सघे थो, जेको अंतर्निहित सूक्ष्म उर्जा (जहिंखे कुंडलिनी चयबो आहे) जी सक्रियता आहे जेको असां सभिनिं में मौजूद आहे, बि॒यनि सां गदु॒ इनखे साझा करण लाइ उन्हनिं पहिंजो जीवन समर्पित करण खां पहिरियों इन उर्जा जो जागरण कुछ ईअं हुयो जहिंखे उहे खुद अनुभव कंदा हुआ।

5 मई 1970 ते श्री माताजीअ पहिंजो आध्यात्मिक जीवन-कार्य शुरु कयो। 47 साल जी उम्र में उन्हनिं हिकु रस्तो खोज्यो ऐं सामुहिक रूप सां आत्मसाक्षात्कार दि॒यण जो हिकु तरीको विकसित कयो। उहे हिकु वास्तविक अनुभव दि॒यण चाहिन पिया, जहिंजो उपयोग माण्हू खुद खे बदिलण ऐं ठीक करण लाई करे सघे। दाढाई तथाकथित गुरुअन जे विपरित जिन्हनि आध्यात्मिक ज्ञान पाइंण वारे माण्हुनि जो फाईदो वरतो, श्री माताजी साधक खे स्वयं इन ज्ञान सां मजबूत ठाहिणु चाहिन पिया, उन्हनि अहिडे सभिनिं कूडे गुरुअन जी निंदा कई, ऐं पहिंजे पूरे जीवन में कपटपूर्ण ऐं अपमानजनक आध्यात्मिक प्रथाउनिं जे खिलाफ चेतावनी दि॒नी।

जद॒हिं उन्हनिं जा पति संयुक्त राष्ट्र समुद्री संगठन जा महासचिव बणियां त श्री माताजी उन्हनिं सां गदु॒ लंडन हली वया, ऐं माण्हुनि जे हिक नंडे समुह सां गदु॒ आध्यात्मिक कार्य शुरु कयो । उन्हनि भाषण दियण सां गदोगदु॒ आत्मसाक्षात्कार जो अनुभव दि॒यण लाइ युनाईटेड किंगडम जा दौरा कया। उन्हनिं कद॒हिं बि इन कार्यनिं जे लाइ पैसा न वरता, जोर देईकरे चयो त सभनिं माण्हुनि जे अंदर समायल, सुम्हियल इन आध्यात्मिक उर्जा खे जाॻरण जो, उन्हनि जो जन्मसिद्ध आधिकार आहे, ऐं इन कम लाइ कोई पैसनि जो भुगतान न करे सघिजे थो। जीअं ई उन्हनिं जे आसपास जा माण्हू उन्हनिं जे असाधारण ऐं मातृ-गुणनिं खे सुञाणण लॻा उन्हनिं खे जल्द ही “श्री माताजी” जो सम्मानजनक शीर्षक मिलियो, जहिंजो अर्थु आहे “आदरणीय माँ”।

श्री माताजी द्वारा विकसित आत्मसाक्षात्कार जे माध्याम सां ध्यान जी विधीअ खे सहजयोग चयो वेंदो आहे । 1980 जे दशक जे दैरान श्री माताजीअ लगातार ऐं अथक रूप सां युरोप , आस्ट्रेलिया ऐं उत्तरी अमेरिका जो दौरो कयो, ऐं रुचि रखण वारनिं खे इहा विधि मुफ्त में सेखारी । 1990 जे दशक में उन्हनिं जी यात्राऊँ दक्षिण अमेरिका, अफ्रीका, रूस, पूर्वी युरोप ऐं एशिया ऐं प्रशांत क्षेत्र में फैलियल हुयूं ।

दुनिया भर जी संस्थाउनिं उन्हनिं खे मानद पुरस्कार ऐं डॅाक्टरेट जी उपाधि दि॒नी। 1995 में उन्हनिं बीजिंग में महिलाउनिं ते चौथे विश्व-सम्मेलन में ॻाल्हायो। क्लेज नोबेल 1997 में लंदन जे रायल अल्बर्ट हॅाल में उन्हनिं जे नोबेल शांती पुरस्कार जे नांमाकन जे बारे में ॻाल्हि थी । श्री माताजी ऐं सहजयोग जो हिक महान प्रशंसक, उन्हनि इन खे मानवता जे लाइ आशा जो स्त्रोत ऐं सहीअ सां गलत जो निर्धारण करण लाइ हिक “संदर्भु बिंदु” घोषित कयो।