पहिंजे आत्मसाक्षात्कार खे महसूस कयो
तव्हांखे सिरफु शुद्ध इच्छा जी जरुरत आहे
श्री माताजी इंसान-जात जे इतिहास में अकेला गुरु आहिनि, जिन्हन हज़ारनि आवामी प्रोग्रामन जे जरिये सां सॼी दुनियाँ में आत्मसाक्षात्कार जो अनुभव करायो। लखें माण्हुनि इन अनोखे अनुभव सां फायदो वरितो, जेको त उन्हनि जे जीवन में हिकु जरूरी मोड़ बणी वियो आहे। प्रोग्रामनि में भाॻु वठंदड़ साधकनि पहिंजे आत्मसाक्षात्कार जो पूर्ण अंदरूनी मौन, शारीरिक अवस्था में आराम जी स्थतिअ ऐं अक्सर हथनि जी हथेलियुनि ते ऐं कड॒हिं-कड॒हिं पूरे शरीर ते गर्म यां थधी हवा जे रूप में महसूस कयो।
हेठां लिखियल तरीका तव्हांखे आत्मसाक्षात्कार जे अनुभव जी तैयारीअ में मदद कंदा। पहिंजी पुठी सिधी करे आराम सां वेही करे, पहिंजा जूता लाहिण सां बि मदद मिली सघे थी, छो त धरती-माता असांजे पेरनि जे जरिये सां सॼी नकारात्मक ऊर्जा खे शोषित करे छॾींदी आहे।
पहिंजा ॿई हथ पहिंजे गोद में रखो ऐं हथेलियूं मथां खां खुलियूँ रखो। तव्हां पहिंजे भटकंदड़ चित्त खे शांत रखण लाइ, तव्हां स्क्रीन ते श्री माताजीअ जो तस्वीर ॾिसी सघो था। हिकु भेरो जॾहिं तव्हां पहिंजे अंदर शांत थी वेंदा आहियो त तव्हां पहिंजे विचारनि खे ॾिसण जी कोशिश कयो।
अगर तव्हां पूरे अंदरूनी मौन जो अनुभव कयो था ऐं शायद पहिंजी हथेलियुनि खां यां पहिंजे मथे ते फॉन्टानेल जे क्षेत्र खां वहंदड़ हिक कोमल थधी हवा मेहसूस कयो था त इहो ॼाणे वठो त तव्हां हिक जागृत आत्मा आहियो ऐं तव्हां पहिंजे आत्मसाक्षात्कार खे सहिज रूप सां मेहसूस कयो आहे। हीअ हिक ॾाढी सुठी शुरूआत आहे ऐं अॻिते जा कदम तव्हांखे पहिंजे ध्यान जे अनुभव खे गहरो करण में मदद कंदा।
हालाँकि हीउ ॾाढो दुर्लभ आहे, जेको श्री माताजीअ जे साम्हूं यां उन्हनि जी तस्वीर जे साम्हूं पहिंजो पूर्ण आत्मसाक्षात्कार जो अनुभव कयो आहे, आत्मसाक्षात्कार जे लाइ निर्देशित ध्यान जो इस्तेमाल करणु फायदेमंद आहे, जहिंखे श्री माताजीअ दुनियां भर में हिक हज़ार खां बि वधीक भेरा ॾेखारियो आहे।
हिन सां ॾिनल वीडियो में श्री माताजीअ सां गॾु निर्देशित ध्यान जे पालण लाइ, पहिंजो पाण खे कदमनि सां परिचित कराइण में मददगार थींदा, छो त तव्हां पूरो आभ्यासु पहिंजियूँ अखियूँ बंद करण सां असांखे पंहिंजे आत्मसाक्षात्कार ऐं उन खां पोइ तुरंत अचण वारी ध्यान जी अवस्था जो गहराई सां अनुभव करण में मदद मिलंदी आहे। तव्हां पंहिंजे शरीर ते हथनि जी स्थिति निर्धारित करण लाइ हेठि ॾिनल चित्रनि में ऐं पाठ जे क्रम जो ध्यानपूर्वक अध्ययन करे सघंदा आहियो, जहिंजे लाइ श्री माताजीअ तव्हांखे हरहिक स्थितिअ जे लाइ पुष्टिअ सां गॾु आत्मसाक्षात्कार अभ्यास में मार्गदर्शन कंदा।
पूरे आत्मसाक्षात्कार सत्र जे दौरान असां पहिंजो सॼो हथु खॿे पासे जे केन्द्रनि ते रखंदासी ऐ खॿे हथ जी हथेलीअ खे खुलियल रखंदासी, जींअ त हेठ लिखियल रेखाचित्रनि में ॾेखारियो वियो आहे।
.
हाणे निर्देशित ध्यान जे आखिर में ॾिसो, त छा तव्हां आराम मेहसूस कयो था ऐं छा तव्हांजा विचार शांत थी विया आहिनि यां धीरे-धीरे गायब थी विया आहिनि। हीअ ध्यान जी पंहिंरी अवस्था आहे-निर्विचार जागरुकता। हीअ पंहिंजे ऐं पहिंजे परिवेश जे प्रति शुद्ध ऐं शांतीपूर्ण जागरुकता जी स्थिती आहे।
हाणे तव्हां ॾिसो त छा तव्हां पंहिजी हथेलियुनि ते ऐं पहिंजे सिर जे मथां फॉन्टानेल बोन क्षेत्र ते हल्की थधी हवा जो अहसास मेहसूस करे सघो था। शुरूआत में इहा हवा गर्म थी सघे थी जेका इन ॻाल्हि जो संकेत आहे त तव्हांजी कुंडलिनी ऊर्जा तव्हांजे सूक्ष्म तंत्र खे शुद्ध करे रही आहे, पर इहा हवा आखिर में शीतल थी वेंदी। तव्हां पंहिंजे खाॿे हथेलीअ खे पंहिंजे सिर खां थोड़ो मथे रखीकरे पोइ साॼे हथेलीअ सां कोशिश करे इनखे सत्यापित करे सघंदा आहियो।
अगर तव्हां इनखे मेहसूस न करे रहिया आहियो, त इन लाइ ॾाढाई कारण थी संघंदा आहिनि। सभनी खां आम कारण इहो आहे, त असां क्षमा करण में सक्षम न आहियूं। असांखे मदद मिलंदी अगर असां पंहिंजे दिल सां चवंदा आहियूं मां (यां श्री माताजी अगर तव्हां चवणु पसंद कयो था), “मां सभिनी खे क्षमा कयां थो” ऐं पोइ वरी जाँच कयो त छा तव्हां पंहिंजे सिर जे मथां थधी हवा मेहसूस कयो था।
इहा शाश्वत आध्यमत्मिक अस्तित्व जे हिक नएं क्षेत्र में तव्हांजी आंतरिक यात्रा जी शुरूआत आहे, जंहिंखे हाणे तव्हां पूर्ण शांति ऐं सदभाव सां गदु॒ खोजे सघो था। नियंमित ध्यान जे जरिये सां, इन नई जागरुकता खे बणाए रखण सां, तव्हां पंहिंजी सूक्ष्म प्रणाली सां गदोगदु॒ ॿियनि माण्हुनि जी स्थितिअ खे पंहिंजे अंगलियुनि ते मेहसूस करे सघंदा ऐं पंहिंजी सहज आध्यात्मिक ऊर्जा (कुंडलिनी) सां उन्हनि खे ठीक करे सघंदा।
हेठ लिखियल अनुभाग तव्हांखे सहजयोग ध्यान जे बारे में वधीक ॼाणण में मदद कंदा ऐं इहो बि त तव्हां घर में सरल सहज ध्यान जो अभ्यास कींअ करे सघंदा। सामूहिक ध्यान ते अनुभव श्री माताजी जी सलाह जे अनुसार तव्हांखे सामूहिक ध्यान जे पहलू सां परिचित कराईन्दा ऐं दुनियां भर में सहजयोग ध्यान केन्द्रनि जी खोज कराईन्दा।
