नंढी उम्र में ई, उन्हनि भारत जी आजादीअ जे संग्राम में सक्रिय भाॻु वरितो। पोई, हिक प्रख्यात भारतीय राजनायक जी पत्नीअ जे रूप में पहिंजे व्यस्त जीवन ऐं ॿिनि धीयुनि जे परवरिश जे विच में भी, उन्हनि पहिंजे आस-पास जी दुनियां में हिक परोपकारी रूचि वठणु शुरू रखी। 1961 में, श्री माताजीअ युवाउनि में राष्ट्रीय, सामाजिक ऐं नैतिक मुल्यनि खे प्रोत्साहित करण लाइ, फिल्मनि जे लाइ युवा समाज जी शुरुआत कई। उहे मुंबई में फिल्म सेंसर बोर्ड जा सदस्य भी हुआ।

सहजयोग ध्यान जी संस्थापिका जे रूप में ऐं दुनिया भर में व्यापक रूप सां यात्राऊं कंदे, उन्हनि चंगि॒नि देशनि, संस्कृतियूंनि, कमाई जे स्तर जे प्रष्ठभूमिका जे माण्हुनि जी हिक विस्तृत श्रंखला सां गॾु गाल्हायो, ऐं पूरे ध्यानअ सां ऐं ईमानदारीअ सां उन्हनि सां गॾु हुआ। उन्हनि मञियो त सभु मानवीय समस्याऊं, पहिंजी वास्तविक आध्यात्मिक आंतरिक क्षमता जी अज्ञानता सां पैदा थियनि थियूं ऐं इन क्षमता खे, आत्मसाक्षात्कार जे माध्यम सां सरलता सां फायदो वठी सघंदा आहियूं। आंतरिक बदलाव, जेकी सामाजिक बदलाव जी चाॿी आहे, श्री माताजीअ द्वारा शुरू कयल सभु वैश्विक गैर सरकारी संगठननि लाइ आधारशिला जे रूप में कम कया।

उन्हनि निराश्रित महिलाउनि ऐं अनाथ ॿारनि लाइ "विश्व निर्मला आश्रम" जहिड़ा धर्मार्थ संगठन ठाहे, प्रबुद्ध शिक्षा खे बढ़ावो ॾियण वारनि अंतर्राष्ट्रीय स्कूलन जी स्थापना कई। समग्र स्वास्थ्य केन्द्रनि जी स्थापना कई, शास्त्रीय संगीत ऐं ललित कलाउनि खे बढ़ावो ॾियण वारी हिक अंतर्राष्ट्रीय अकादमीं ठाही, ऐं उनखां भी ॾाढो कुझु इन्हनि सभनि प्रयासनि उन्हनि जे आध्यात्मिक बदलाव जे दुनियावी कम खे प्रेरणा ॾिनी।

21वीं सदी असांखे बहुआयामी चुनौतियूं प्रस्तुत कंदी आहे, जहिंजा जवाब ईंदड़ सुभाणे जे समाज जे नवंनि मानदंडनि खे आकार ॾींदा। दुनियां भर जा माण्हू इन्हनि चुनौतियुनि जे समाधान जे तलाश में रहंदा आहिन, चाहे उहे वैश्विक महामारी, जलवायु बदलाव, सामाजिक-आर्थिक समस्याऊं, सांस्कृतिक संघर्ष, धार्मिक कट्टरता इत्यादि हुजनि, इहे सभु इन पृथ्वी ग्रह ते असांजे मानव पदचिन्ह खे परिभाषित कंदा।

अॼु समाज जिनि अनेकनि सामाजिक ऐं आर्थिक समस्याऊनि जो सामनों करे रहियो आहे, उहे समस्याऊं लोभ ऐं भौतिकवाद जे कारण आहिनि। श्री माताजीअ इहो रेखांकित कयो आहे त भौतिकवाद पदार्थ जे प्रति हिकु गलत दृष्टिकोण आहे। उदहारण जे लाइ, अगर असां कला जो हिकु सुन्दर टुकड़ो ॾिसंदा आहिंयू त असां उनजी प्रशंसा करे सघूं था, पर असांखे उनजे मालिक थियण जी जरुरत कोन्हें। या अगर असां कहिंखे पहिंजे प्यार जी अभिव्यक्ति जे रूप में उपहार ॾियऊं था, त असां पदार्थ जो उचित तरीके सां उपयोग कयूं था, ऐं असां कुझु वठण ऐं रखण जे क्षणिक आनंद खां परे सच्ची संतुष्टि मेहसूस कंदा आहिंयूं।

जॾहिं असांजे अन्दर नाभि चक्र जे ॼाणण वारो टियों सूक्ष्म केन्द्र असांजी कुंडलिनी जाग्रतिअ सां आत्मसाक्षात्कार खां पोई प्रबुद्ध थी वेंदो आहे, त असां पूरी तरह सां संतुष्ट मेहसूस कंदा आहिंयूं, लालच ऐं स्वामित्व जी नकारात्मक प्रवृतिअ सां मुक्त थियऊं था। असां प्राकृतिक सामग्रीअ सां ठहियल पदार्थ ऐं हस्तनिर्मित शिल्प ऐं पेंटिंग जे आध्यात्मिक मूल्य खे ॾिसंदा आहिंयूं ,जहिंमें असां इन्हनि निर्मित वस्तुअनि मां निकरण वारी सकारात्मक ऊर्जा जे रूप में मेहसूस कंदा आहिंयू। श्रीमाताजीअ अहिड़ी घटनाउनि जो श्रेय पदार्थ जे आध्यात्मिक गुणांक खे ॾिनो आहे, जहिंखे आत्मसाक्षात्कार खां पोई महसूस करे सघिजे थो।

दिलचस्प ॻाल्हि इहा आहे त, स्वाधिष्ठान चक्र जे रूप में ॼाणण वारो असांजी सूक्ष्म प्रणालीअ जे अंदर ॿियों केन्द्र जो प्रबोधन, असांजी रचनात्मकता जी भावना खे वाधाइंदो आहे, जहिंसा असांखे न सिर्फ ॿियनि जे रचनात्मक कार्यनि जी सराहना करण में मदद मिले थी, अञया बि असांजी पहिंजी जन्मजात रचनात्मक क्षमता जी खोज बि थीन्दी आहे। ॾाढा सहजयोग ध्यान करण वारा अभ्यासी रचनात्मक प्रतिभाऊॅनि में पहिंजे स्वंय जे विकास ते चकित आहिनि, जेके सभु शुद्ध-प्रेरणा ऐं अंतर्ज्ञान जे रूप में अचानक ईंदा आहिनि।

श्री माताजीअ न सिर्फ इंसान जे अंदर, परअ हिक सामूहिक शक्तिअ जे रूप में, इन्हनि सुंदर सूक्ष्म गुणनि जे जाहिर थियण जो पूर्वाभास कयो, जेको समाज में जाहिर थी सघे थो ऐं पृथ्वी ग्रह ते मानवता जे पथ खे आत्मविनाश जे मार्ग खां हिक स्थाई जीवन जे मार्ग ते बदले सघे थो।

श्री माताजीअ जी करुणा ऐं मानवता जे लाइ चिंता, उन्हनिजी सभु गतिविधियुनि जे लाइ ईंधन हुई। उन्हनि जेको कुछ बि कयो उनखे उन्हनि कॾहिं 'कमअ' जे रूप में संदर्भित न कयो, पर प्यार जो हिकु श्रम ,जहिंजो उन्हनि पूरो आनंद वरितो।