सहजयोग ध्यान
अंदरुनी मौन जी शक्ति
ध्यान हिकु अहिड़ो अखरु आहे, जहिंखे बेशुमार अलग तरीकन सां बयां कयो वियो आहे ऎं व्याख्या कई वेई आहे, कहिं बि मुद्दे ते गहराईअ सां चिंतन करण खां वठी अखियूँ बंद करे चुपचाप वेहणु ऎं ध्यान केन्द्रित करण ताईं।
सहजयोग में ध्यान आत्मसाक्षात्कार ते आधारित आहे। जिते ध्यान करण वारे जी कुंडलिनी (सूक्ष्म अंदरुनी ऊर्जा) जागृत थीन्दी आहे, जहिंसा निर्विचार समाधि (विचारहीन जागरूकता) जी स्थिती मिलन्दी आहे। इन अवस्था में मन, विचारन ऎं भावनाउनि जी अशांत लहरुनि सां पूरी तरह सां मुक्त थी वेंदो आहे ऎं हिक शान्ति पूरण झील वांगुर रुकी वेंदो आहे ऎं आत्मा जे आनंदमय, अंदरुनी आनंद (सनातन, सर्वव्यापी आत्मा) जे प्रति जागरूक रहन्दो आहे।
जींअ-जींअ कुंडलिनीअ जा वधीक रेशा (धागा) मेरुंदड़ (रीढ़ जी हॾी) जे जरिये उथन्दा आहिन ऎं अखियुंन (ऊर्जा केन्द्रन) ऎं नाड़ियुनि (ऊर्जा चैनलनि) खे रौशन कंदा आहिनि, अभ्यासी सहजता सां पहिंजी सूक्ष्म प्रणाली जी अंदरुनी स्थितिअ जे बारे में जागरुक थी वेंदो आहे ऎं पहिंजे पूरे शरीर जे चौधारी थदी हवा महसूस कंदों आहे, ख़ास कर, सां सिर (मथे) जे फांटानेल क्षेत्र ऎं हथनि जी हथेलियुनि ते, सिर्फु कुछु हफ्तनि जे अभ्यास सां माण्हू न सिर्फु पहिंजी सूक्ष्म प्रणालीअ जी जागरूकता में महारत हासिल करे सघंदो आहे, पर पहिंजे आसपास जी उर्जाउनि जी ऎ आसपास जे माण्हुनि जी सूक्ष्म प्रणालीयुनि जी स्थितिअ खे भी समझण जे लाइ काफ़ी अहिसासु विकसित करे सघंदो आहे।
सहजयोग में ध्यान जो अभ्यासु सवलो आहे, ऎं इनखे घर में, कार्यालय में, अकेले या ॿियनि सा गॾु करे सघिजे थो। श्रीमाताजीअ इन ॻालिह ते जोर ॾिनो त आध्यात्मिक ज्ञान प्राप्त करण लाइ समाज खे पुठियाँ छॾणु जरुरी कोन्हें। तकनीक जो आधार इन ऊर्जा जो जाॻरण आहे जेको हर कहिं में मौजूद आहे, ऎं इहो माणहुअ जी पसंद ते इनखे गृहण ऎं अभ्यासु करण ते केन्द्रित आहे। इहो ध्यान या एकाग्रता जे कहिं भी अभ्यास जे अलावा निष्क्रिय ध्यान जो अनुभव आहे।
आस्ट्रेलिया ऎं भारत में थियल चिकित्सा अध्ययन सां इहो पतो पयो आहे, त शरीर जे उपचारतंत्र तॾहि सक्रिय थीन्दा आहिनि, जॾहिं कोई विचारहीन जागरूकता में ध्यान कंदों आहे, पर तॾहि न, जॾहिं कोई साह खणण या मानसिक दर्शन जहिड़ी विश्राम पद्दतिअ जो इस्तैमालु करे रहियो आहे।
आराम जा तरीका तनाव खे घटि करण में असरदार थीन्दा आहिनि, पर उनमें सहजयोग ध्यान जी मुकाबले में मात्रात्मक चिकित्सा नतीजा ॾिसण में न ईदा आहिनि।.[1b]
सहजयोग ध्यान जी हिक अनूठी खासियत इहा आहे त इहा आध्यात्मिकता जे लाइ हिकु भी हिदायती रास्तो नथो ॾेखारे। कहिड़ो बि आहारु प्रतिबन्ध या धार्मिक दायित्व कोन्हें। हर ध्यान करण वारे अभ्यासीअ खे पहिंजे पाण जो रस्तो, तरक्कीय जो दर ऎं आध्यात्मिक लक्ष्यनि खे चुंडण जो विकल्प हून्दो आहे। कहिं बि माण्हूअ खे कोई भी रस्तो अपनाइण लाइ मजबूर न कयो वेंदो आहे, कहिड़ो तय थियल प्रवेश बिंदु न आहे ऎं हर कहिं लाइ स्व-रेखाकिंत रस्तो पूरी तरह सां लचीलो आहे। हिक जीवित प्रक्रिया, जेका विशिष्ट जरुरतुन या परिस्थितिअयुनि जे लाइ अनुकूल आहे।[2]
दुनियां भर में ध्यान केन्द्र स्थापित कया विया आहिनि, जिते इहा तकनीक (श्री माताजीअ द्वारा प्रस्तुत) मुफ्त में सेखारी वेंदी आहे।
1a. ^ 1b. ^ डॉ रमेश मनोचा, “ध्यान जो कहिड़ो ख़ास असर थींदो आहे?”: मानसिक मौन उन्मुख परिभाषा जो हिक व्यवस्थित प्रायोगिक मूल्यांकन' (एनएसडब्ल्यू विश्वविद्यालय, ऑस्ट्रेलिया 2008); ई-बुक: 'साइलेंस योर माइंड' द्वारा प्रकाशित: हैचेट ऑस्ट्रेलिया 2013।
2. ^ निगेल टी. पॉवेल, 'सहज योग ध्यान' लंदन: कोरवालिस प्रकाशन 2005
