குழந்தைகளைப் பற்றி, நோபல் பரிசு பெற்ற எழுத்தாளர் ரவீந்திரநாத் தாகூர் கூறியதாவது , "அவர்கள் உயிரோட்டமானவர்கள் - தங்களைச் சுற்றி பழக்கவழக்கங்களை உருவாக்கிக் கொண்ட பெரியவர்களை விட அதிக உயிரோட்டமானவர்கள் .எனவே, அவர்களின் மன ஆரோக்கியத்திற்கும் வளர்ச்சிக்கும் அவர்களின் பாடங்களுக்கு வெறும் பள்ளிகள் மட்டுமே இருக்கக்கூடாது, ஆனால் தனிப்பட்ட அன்பை வழிநடத்தும் ஒரு உலகம் முற்றிலும் அவசியம் " என்று குறிப்பிட்டார்.

இன்றைய குழந்தைகள் நாளைய எதிர்காலம், நல்ல கல்வியில் முதலீடு செய்வது சிறந்த உலகில் முதலீடு செய்வதற்கு ஒத்ததாகும். இருப்பினும், பள்ளிகளில் குழந்தைகளின் சமூக மற்றும் உளவியல் நல்வாழ்வு பெரிய அளவில் பாதிக்கப்பட்டுள்ளது . குறைந்தபட்சம் ஐந்தில் ஒரு குழந்தை மற்றும் இளம் பருவத்தினர் மனநலப் பிரச்சனையை எந்த வருடத்திலும் வெளிப்படுத்தலாம் மற்றும் அமெரிக்காவில், பத்தில் ஒரு குழந்தை மற்றும் இளம் பருவத்தினர் சீர்கேடு விளைவிக்கும் அளவிற்கு மனநலம் பாதிக்கப்பட்டுள்ளதாக மதிப்பிடப்பட்டுள்ளது.

பள்ளியிலோ, பணியிடத்திலோ அல்லது வீட்டிலோ நம் வாழ்வில் ஏற்படும் வழக்கமான ஏற்றத்தாழ்வுகளால் ஏற்படும் மன அழுத்தத்தின் விளைவுகளைத் தடுப்பதற்கும் நிர்வகிப்பதற்கும் நிரூபிக்கப்பட்ட ஆதார அடிப்படையிலான உயிர்-ஆன்மீக தலையீடு என்பதை, தியானம் பற்றிய அறிவியல் ஆராய்ச்சி ^[1] வெளிப்படுத்துகிறது. சஹஜ யோகா தியானம் (SYM) தன்னிச்சையானது, எளிமையானது மற்றும் சிரமமின்றி இருப்பதால் அது தனித்துவமானது என்பதைக் காட்டுகிறது. SYM தியானத்தின் அனைத்துப் பண்புகளும் குழந்தைகள் மற்றும் பள்ளி ஆசிரியர்களிடையே அதை ஏற்றுக்கொள்ளக்கூடியதாகவும், சுவாரஸ்யமாகவும், பிரபலமாகவும் ஆக்கியுள்ளது. ஒரு பாடத்திட்டத்தை ஒரு குறிப்பிட்ட காலத்திற்குள் மற்றும் தரத்துடன் நிர்வகித்தல் மற்றும் வழங்குதல் ஆகிய அதிக சுமைகளை கையாளும் ஆசிரியர்களுக்கு, பணி-வாழ்க்கை சமநிலை அணுகுமுறையை வழங்குவதில் இது பயனுள்ளதாக இருக்கிறது.

“இன்டர் பீஸ் ப்ராஜெக்ட்” (www.innerpeaceday.org) மற்றும் “தியான்தாரா” ^[2] (இந்தியா) போன்ற பல முயற்சிகள், சஹஜ யோகா தியானத்தின் மூலம் பள்ளிகளில் குழந்தைகளின் முழுமையான ஆரோக்கியத்தையும் வாழ்க்கையையும் மேம்படுத்தி வருகின்றன. இவை சாதாரண பள்ளிகளில் சஹஜ யோகா தியானத்தை கொண்டு வந்து, குழந்தைகளுக்கு அதன் நன்மைகளை அளித்து வருகின்றன.