श्री माताजी साधकनि खे समझायो त असल में सूक्ष्म केंद्र (चक्र) या त शरीर में, या हथनि ऐं पैरनि जी आँगुरिन जे छोरन ते महसूस कया वञी सघन था। असांजे इंसानी मानस जी हालत जे आधार ते, गर्मी, थदि खां वठी जिस्मानी झुनझुनी या भारीपन ताईं, एहसास महसूस कया वञी सघन था। हुनन सब्र सां पंहिंजी मौजूदगी में साधकनि द्वारा महसूस कयल एहसासन मां हर हिक खे हिक खास मसले तौर बयान कयो, जेको माण्हुनि खे जिस्मानी, जहनी, जज़्बाती ऐं रूहानी सतह ते असर करे रहियो हुओ । हुननि बुधायो त हिन योगिक रूहानी तजरबे बारे में दुनिया जे कई धर्मग्रंथन में, खास कर पवित्र कुरान जी आयतन में, ॾाॾे सुठे तरीक़े सां बयान कयो वयो आहे।
चक्रनि खे अग्नि जीं लपटुनि जे गुच्छे या कमल जीं पंखुड़ियुनि जे समूह जे रूप में दि॒सी सघिजे थो। नाड़ी तंत्र जे अंदरूनी उप- तंत्र जी संख्या जे मुताबिक़, हर चक्र में पंखुड़ियन जी अलग संख्या थींदी आहे। नाड़ी तंत्र असांजे शरीर ऐं दिमाग जे अंदर सूचना जे बहाव खे नियंत्रित कंदा आहिन, जेको असांजे वजूद खे हिकरस ऐं सुठो कमु करण जी सहूलियत डींदो आहे। उहे असांजी सजीं शारीरिक, मानसिक ऐं भावनात्मक गतिविधियुनि जा बुनियादी आधार आहिनि। इन्ही करे, हर हिक चक्र जो संबंध कुझ विशेष शारीरिक, मानसिक ऐं जज़्बाती गुणनि सां हूंदो आहे। जद॒हिं असां मानसिक, जज़्बाती या शारीरिक स्तर ते कंहिं विकार, असंतुलन या तकलीफ़ जो अनुभव कंदा आहियूं, तंहिं जो कारण अक्सर हिन चक्रनि में पैदा थियल सूक्ष्म रुकावट या अवरोध हूंदो आहे।
असांजे नाड़ी तंत्र जो बाहरी फैलाव असांजे सूक्ष्म शरीर जे बाहरी फैलाव सां मेल खाईंदो आहे, जेको रीढ़ जी हड्डीअ जे अंदर मौजूद चक्रन ऐं हथन व पैरन जे छोरन जे विच में हिक-जे-हिक संबंधु कायम कंदो आहे। जेकर को माणुहू असांजे शरीर में इनन जगहनि ऐं उन्हनि सां जुड़ियल सूक्ष्म केंद्रन (चक्रन) जी समझ या व्याख्या हासिल करे, त उहो पांहिंजे शारीरिक, मानसिक, भावनात्मक ऐं आध्यात्मिक वजूद ते आसानीअ सां महारत हासिल करे सघे थो। उहो माणुहू पोइ कंहिंहि बि परम सार्वभौमिक हकीकत (absolute universal reality) खां अलगु न रहंदो आहे, बल्कि आत्म-ज्ञान जे ज़रीए खुद खे दुनियावी वहम ऐं भ्रम खां पाण खे आज़ाद करे सघंदो आहे।
असांजे सूक्ष्म तंत्र जा केंद्र न सिर्फ असांजे शारीरिक, मानसिक ऐं भावनात्मक कल्याण खे नियंत्रित कंदा आहिन, बल्कि असांजी शख्सियत खे घड़ण में बि मदद कंदा आहिन। इनन खे असांजे शख्सियत जे गुणन जो भंडार समझी सघिजे थो। जियं-जियं असां विकसित थियूं था, समझदार थियूं था ऐं वधूं था, इहे शख्सियत जा गुण असांजी जीवन में प्रकट थींदा आहिनि—कडेहिं सचेत रूप में, पर घणो करके बिन सचेत रूप में। हिक पल लाए सोच्यो त तव्हांखे कितरी दफ़ा कंहिं जी मदद करण, या कंहिं हालात में दयालु अथवा उदार बणण जो सहज प्रेरणा मिली आहे। इहे एहसास किथां अचन ता ? चीन ऐं भारत जूं प्राचीन पूर्वी संस्कृतियूं, जेके सूक्ष्म तंत्र जे ज्ञान जे सहारे जीयंदियूं हुयूं, उनन पांहिंजन समाजन खे आध्यात्मिक जीवन जे उच्च मूल्यन, यानी 'धर्म' ते आधारित कयो। प्राचीन संस्कृत भाषा में धर्म जो मतलब आहे 'सदाचार जो नियम', हिकु उहो नियम जेको ब्रह्मांडीय आत्मा सां सामंजस्य में हूजे। इन जो हिकु समानांतर मिसाल हज़रत मूसा खे मिलियल 'डह हुकमन' (Ten Commandments) सां बि डिनो वञी सघे थो। हक़ीक़त में, दुनिया जे कई प्राचीन धर्मन, संस्कृतियन ऐं रीतन-रवाजन में इन वैश्विक अंदरूनी सदाचार जे नियम जा बिया मिसाल बि मिली सघंदा आहिन।
श्री माताजी जे साझा कियल ज्ञान जे आधार ते, हेठियां भाग हर हिक चक्र जी विस्तृत व्याख्या पेश कंदा आहिनि ऐं सूक्ष्म केंद्रन जे आदि सिद्धांत जे आधार ते अंदरूनी शख्सियत जे गुण खे उजागर कंदा आहिन। इनन केंद्रन जा कुछ गुण असांजी इंसानी चेतना में असांजे जन्म जे वख्त खां ही ज़ाहिर थिंदा आहिन। इनन केंद्रन जा उच्च सूक्ष्म गुण कुंडलिनी जागृति ऐं आत्म-साक्षात्कार हासिल करण खां पोइ पूरी तरहं सां ज़ाहिर थींदा आहिन।
इनन केंद्रन जे सूक्ष्म ज्ञान जो उपयोग करे, असां पांहिंजे अंदरूनी आध्यात्मिक सुभाअ ऐं पांहिंजन साथी इंसानों सां गदु॒ सामंजस्य में जीअण में पहिंजी मदद करे सघूं था।