खबे ऊर्जा जे चैनल सां जुड़ियल बुनियादी गुणन में हिक “आनंद” आहे। पर ही आनंद जो मतलब खुश थियण या कंहिं गाल्हि ते जोश में थियण कोन्हे। उहा (दुनियावी) ख़ुशी कुझु वक़्त जी हूंदी आहे ऐं उहा तॾहिं उदासीअ या निराशाअ में बदलिजी वेन्दी आहे जॾहिं गाल्हियूं उम्मीद मुताबिक न थिन्दियूं। असल में, इहा हिक पाक (पवित्र) दरजे जी ख़ुशी आहे। श्री माताजी समझाइंदा आहिन त असांजी आत्मा जो शुद्ध आनंद अहेड़ो गुण आहे, जेको पंहिंजो इज़हार हिक कुदरती ऐं सहज एहसास तौर करे थो। ही न असांजी सोच, न धारणा, न उम्मीदन सां जुड़ियिल नाहे। ही आनंद हमेशा रहण वारी (सनातन) आहे, ऐं काई बि शय हिन शुद्ध आनंद में न वधाये सघजे थी, न घटाए सघजे थी। आत्म-साक्षात्कार खां पोइ, असांजी आत्मा जो ही शुद्ध आनंद खुद-ब-खुद असां जे होश (जागरूकता) में उजागर थी वेंदो आहे, ऐं रोज़ानी साधना जे ज़रिए हिन खे आसानीअ सां कायम रखी सघजे थो।

श्री माताजीअ चयो आहे त जॾहिं असांजो खबो ऊर्जा जो चैनल रुकजी वेंदो आहे, त जिंदगी में कई तरह जूं तकलीफ़ूं पैदा थी सघदियूं आहिन। इहड़ो शख़्स जज़्बाती उतार-चढ़ाव जो शिकार थी सघे थो। हुन जो मूड हिकदम घणी खुशी खां गहरी उदासी में, ऐं पोइ वरी खुशी में बदलिजी सगे थो। अहेड़ो शख़्स आलस ऐं हद खां वधीक सुस्तीअ जो शिकार बि थी सघे थो, जहिंखे आम तौर ते "काउच पोटेटो" सिंड्रोम सां जोड़ियो वेन्दो आहे।

खुलासे तौर, खबे ऊर्जा जे चैनल जो असर असांजे जज़्बातन, एहसासन ऐं ख़्वाहिशुन ते थींदो आहे। ही रस्तो असांजी यादिन ऐं गुज़रल तजुर्बन सां बि जुड़ियल आहे। जॾहिं असांजा जज़्बात सामान्य सतह ते रहंदा आहिन, तॾहिं असां हिक सेहतमंद ऐं संतुलित ज़िंदगीअ जो अनुभव कन्दा आहियूं। पर जॾहिं असां खे हद खां वधीक जज़्बाती कैफियतूं, जंहिं में मायूसी, उदासी ऐं घणी सोच-विचार शामिल आहिन, महसूस थींदियूं आहिन, तॾहिं असां खे मुनासिब कदम खणण जी ज़रूरत हूंदी आहे, ऐं इते सहज योग साधना जा नतीजा क्लिनिकल तहक़ीक़ूंन ज़रिए सुठा नतीजा साबित थिया आहिन।

श्री माताजी असांजे लाई बिलकुल सादी तकनीकूं सुझाई आहिन, जेके आसान, महफूज़ ऐं अहेड़ियूं आहिन, जंहिं सां असां पंहिंजे खबे पासे खे संतुलित करे सघूं था ऐं असांजी जज़्बाती ऐं दिमाग़ी हालत ते पवण वारन ख़राब असरन खे ठीक करे सघूं था। रोज़ानी साधना, पहिंजे वाइब्रेटरी अवेयरनेस जी हालत ते आत्म-चिंतन, ऐं श्री माताजी जे दिखायल तरीकन जे इस्तेमाल सां पंहिंजे खबे पासे जी सफ़ाई करण, असांजे अंदर खुशी जा नवां एहसास पैदा कंदा आहिन ऐं ज़िंदगीअ लाइ हिक जीवंत, उमेद भरियो रवैयो पैदा थींदो आहे।