Шры Матаджы сцвярджала, што ў кожным чалавеку ад нараджэння закладзены духоўны патэнцыял, які можа абудзіцца спантанна. Яна падкрэслівала, што гэтае абуджэнне, якое называецца самарэалізацыяй, немагчыма купіць. За вопыт самарэалізацыі і навучанне медытацыі Сахаджа-ёгі ніколі не бралі платы і не будуць браць яе ў будучыні.

Унутраная раўнавага і зніжэнне ўзроўню стрэсу, якія прыносіць практыка медытацыі Сахаджа-ёгі, ужо дапамаглі сотням тысяч людзей ва ўсім свеце. Магчымасць хутка і лёгка абудзіць уласную прыроджаную духоўную энергію і адчуць яе дабратворны ўплыў адрознівае Сахаджа-ёгу ад іншых відаў медытацыі. Дзякуючы рэгулярнай практыцы чалавек вучыцца самастойна накіроўваць сваю энергію і аднаўляць парушаную душэўную, фізічную і эмацыянальную раўнавагу і гэтым дасягае стану дабрабыту, спакою і ўнутранай паўнаты.

Акрамя Сахаджа-ёгі, якая сёння распаўсюджана больш чым у 100 краінах, Шры Матаджы заснавала няўрадавую арганізацыю для абяздоленых жанчын і дзяцей, некалькі міжнародных школ з праграмай гарманічнага развіцця асобы, медыцынскія цэнтры, дзе лячэнне праводзіцца з выкарыстаннем метадаў медытацыі Сахаджа-ёгі, а таксама акадэмію мастацтваў, створаную дзеля адраджэння класічных традыцый танца, музыкі і жывапісу.