हिक ॿी तकनीक, हिकु भेरो जॾहिं तव्हां शांत थी वेंदा आहियो, त धीरे सां पहिंजे चित्त खे पहिंजे मथे जे सिरे ते मौजूद फॉन्टानेल हॾीअ ते आणिणो आहे। इहो सहस्त्रार चक्र आहे जिते लिम्बिक सिस्टम खे जाग्रत करण खां पोइ कुंडलिनी सिर खां ॿाहिर निकिरंदी आहे। इहो उहो दायरो आहे जेको असांजे सोच-विचार खां मथे आहे ऐं जिते असां सामुहिक अचेतना सां जुड़ियल आहिंयू। तव्हां पहिंजी हथेलीअ जे विचें हिस्से खे पहिंजे फॉन्टानेल हॾीअ जे क्षेत्र ते भी रखी सघंदा आहियो। पहिंजी हथेलीअ जे आङुरियुनि खे पुथियां करे ऐं गोलाकार गति कंदे पहिंजी खोपड़ीअ ते थोड़ो दॿाए सघंदा आहियो। इहो आत्मसाक्षात्कार प्राप्त करण लाइ अभ्यास जे दौरान, तव्हांजे द्वारा कयल कदम जे अंतिम चरण जे समान आहे। इहो चित्त खे आखिरी चक्र में आणण लाइ ऐं संबंध स्थापित करण में मददकार आहे।

हाणे ध्यान जी अवस्था में आणण लाइ पहिंजेपाण खे कुछु वक्त ॾियो। तव्हां पाण खे कुंडलिनी जी गतिविधियुनि खे, पहिंजे चित्त खे गहिरो करण, विचारनि खे घट करण ऐं आनंद जी वधियल भावना जे रुप में स्थापित थियण वारी शान्ति ऐं स्थिरता जी जाँच कयो। हिक जीवत प्रक्रिया जे रुप में ध्यान पहिंजो रस्तो वठंदो आहे ऐं कुंडलिनी तव्हांजे नऐ सुहिणंन पहलुनि ते प्रकाश विझंदी। हालाँकि असां सभिनी में चक्रनि ऐं नाड़ियुनि जी सूक्षम प्रणाली हिक जेड़ी आहे। हर कहिं माणहुअ जो पहिंजो निजी अनुभव ऐं आध्यात्मिक पथ हून्दो आहे ऐं आत्म-खोज जी यात्रा जे रुप में उन पथ जो अनुसरण करणों आहे।

पहिंजे ध्यान जे आखिर में तव्हां पहिंजो हथु पहिंजे सिर खां कुछु सेन्टीमीटर मथे रखी सघंदा आहियो, इहो ॾिसण लाइ त छा तव्हांखे थदी या गर्म हवा जो अनुभव थी रहियो आहे? हिकु भेरो जॾहिं तव्हां वधीक अभ्यास करे वठंदा आहियो त तव्हां ॾींह में भी पहिंजे सहस्त्रार चक्र ते चितु रखी सघंदा आहियो। कुंडलिनी खे जागृत करण वारी ऊर्जा श्री माताजीअ मां निकरंदी आहे, इनकरे ध्यान करण जे वक्त श्री माताजीअ जी तस्वीर पहिंजे साम्हूं रखण सां तव्हां कुंडलिनी जागरण खे मज़बूत करण ऐं तव्हां जे ध्यान खे गहरो करण में मदद मिलंदी। तव्हां चाहियो त इन लिंक जे तहत तस्वीर खे डाउनलोड ऐं प्रिंट करे सघंदा आहियो।

श्रीमाताजीअ जी तस्वीर अलग-अलग तत्वनि जे उपयोग में मदद कंदो आहे, अग्नि ऐं प्रकाश जे तत्वनि जे लाइ श्रीमाताजीअ जी तस्वीर जे साम्हूं हिक मेणबत्ती रखी सघंदा आहियो। धूप जी महक पृथ्वी तत्व जो प्रतिनिधित्व कंदी आहे। संगीत, जेको संतुलित ऐं सुखदायक आहे, (पुर्वी ऐं पश्चिमी ॿई शास्त्रीय संगीत जा अधिकांश रुप) तव्हांखे शांत थियण में मदद करे सघंदा आहिनि, पर कुछ वक्त चितु अंदर रखी करे, मौन में पहिंजे पाण सां गॾु समय बिताइणु सुनिश्चित कंदा।

जीअं त कहिड़ी भी जीवित प्रक्रिया सां गॾु थींदो आहे, सहजयोग जो अभ्यास कंदे वक्त तव्हांजे ध्यान जो अनुभव पहिंजो स्वाभाविक रुप वठी छॾींदो। असां हिते जहिं नियमित कार्यक्रम जो वरणनु करे रहिया आहियूं, इहा उन प्रक्रिया जे थियणजी परिस्थिति प्रदान कंदी। नियमित ध्यान तव्हांखे पहिंजी कुंडलिनी खे मज़बूत करण, पहिंजी ध्यान जी स्थिति खे गहरो करण ऐं पहिंजे भीतर जे आनंद जो अनुभव करण में मदद कंदो।

आदर्श रुप सां तव्हां सुबह ऐं शाम ध्यान करण जे लाइ वक्तु कढी सघंदा आहियो। कुछ हफ्तनि खां पोइ तव्हांखे परिणाम ऐं लाभनि खे मेहसूस करण खपे। तव्हांखे केतिरो वक्तु ध्यान करण खपे, इन लाइ कोई स्पष्ट नियम कोन आहे – कुछु अभ्यासी 10 मिनटनि जे लाइ ध्यान कंदा आहिनि, ॿिया हिक कलाक खां बि वधीक समय ताईं ध्यान कंदा आहिनि ऐं इहो हिक ॾींह खां ॿिये ॾींह ताईं बि अलॻ-अलॻ थी सघंदो आहे। ज़रूरी इहो आहे त, तव्हां ध्यान जी अवस्था जो अनुभव कयो। हिक सुठी शुरुआती दिनचर्या जे रुप में असां कुंडलिनी खे तव्हांजी सूक्षम प्रणालीअ खे मजबूत करण ऐं ध्यान जी अवस्था में आणण लाइ घट में घट 10-15 मिनटनि जी सलाह ॾींदासीं।

रोज़मर्रा जे ध्यान जी दिनचर्या में शामिल थियण लाइ तव्हां ध्यान ऐं संतुलन गाइड शीट जो इस्तेमाल करे सघंदा आहियो।

पहिंजो आत्मसाक्षात्कार प्राप्त करणु आध्यात्मिक यात्रा जो पहिरियों कदमु आहे ऐं हर हिकु ध्यान, रस्ते जो हिकु ॿियो कदमु आहे - जॾहिं तव्हां आत्म खोज जे पहिंजे मार्ग ते हलंदा आहियो त असां तव्हांजी भलाईअ जी कामना कंदा आहियूं।