परमचैतन्य

अचेतन जी थदी हवा

खुदा जे इश्क़ जी हिन सर्वव्यापी शक्तिअ जा मुख्तलिफ़ संस्कृतिन में घणा नाला आहिन: प्न्यूमा (यूनानी), रूआख (इब्रानी), अस्सास (अरबी), ताओ (चीनी), पवित्र आत्मा जी हवा, जिंदगी जो पाणी। पर इहे सभु हिकई मतलब रखंदा आहिन - सृजन जी हिक प्रेमपूर्ण, समझदार, सर्वव्यापी ऊर्जा। चेतना ऐं ऊर्जा बुनियादी तत्व आहिन; बाकी सभु द्वितीयक आहे। इहा कारणात्मक ऊर्जा पूरे ब्रह्मांड में व्यापी रहल आहे। श्री माताजी हिन सर्वव्यापी ऊर्जा खे “परमचैतन्य” चवंदा आहिन ।

आत्म-साक्षात्कार खां पोइ इहा सर्वव्यापी ऊर्जा हिक थदी हवा या “वाइब्रेशन” जे रूप में महसूस थींदी आहे, ख़ास तौर ते सिर जे शिखर मथां ऐं हथन जी हथेलिन ते। ध्यान जे दौरान, जहिं वक़्त असांजी कुंडलिनी मुख्तलिफ़ चक्रन मां गुजरंदी आहे, त असां हिन खे पंहिंजी रीढ़ जी हड्डीअ में हर चक्र में अलग-अलग जगहुन ते महसूस करे सघूं था, ऐं कई वारी इन खे उन खास उंगलिन ते भी जेका चक्रन सां संबंधित आहे। हे वाइब्रेशन न सिर्फ़ु असांखे हकीकत जी पूरी तस्वीर दींदा आहिन, बल्कि पूरी हालत खे बि असांजे, इंसानन जे ऐं असांजे चोतर्फ़ा मौजूद प्रकृतिअ जे हित में सवारींदा आहिन।

घणन अभ्यास करंदड़ सहज योगियन हिन इलाही प्रेम जी, वाइब्रेशन जी, सहीपण ऐं असरदारी ते हैरानी ज़ाहिर कई आहे, जे असांखे पूरी तरह घेरी वठंदा आहिन ऐं असांजी रोज़मर्रा जी जिंदगी में असांजी रहनुमाई कंदा आहिन, बिना असांजी आज़ाद इच्छा में दख़ल अंदाज़ी कए। हिन जी हिक सादी मिसाल हिक सर्वव्यापी इंटरनेट माध्यम जी आहे, जेहिं जे ज़रिये असां रोज़मर्रा जिंदगी जे घणन मसएलन जो हल कंदा आहियूं, बिना कंहिं ख़ास मैदान जी माहिर जानकारी रखण जे। इंटरनेट जीअं, असांखे सिर्फ़ हिन सर्वव्यापी शक्ति सां सही नमूने जुड़ण जी ज़रूरत आहे, जेको असां रोज़ाना ध्यान जे ज़रिये आसानी सां हासिल करे सघूं था।