Ang buo nating subtle system ay pinagsasama sa Sahasrara Chakra. Bilang gayon, ito ang pinakamahalagang Chakra para sa ating espirituwal na paglago at meditasyon. Ito rin ang Chakra kung saan ang ating Kundalini ay may pinakamalaking kakayahang mabunyag at maghayag ng mas mataas na kalagayan ng kamalayan. Ang paglilinis ng mga hadlang sa gitnang channel ng enerhiya ay isang mahalagang bahagi ng Sahaja Yoga meditation. Madaling mapanatili ang isang kalagayan ng balanse kapag malinis ang ating gitnang channel. Nagbubukas ito ng daan para sa ating Kundalini na umakyat nang maayos patungo sa Sahasrara Chakra. Kapag nangyari ito, nagsasanib ang ating sariling Kundalini sa laganap na banal na enerhiya, kilala sa maraming pangalan sa mga sinaunang tradisyong espirituwal at tinawag ni Shri Mataji na Paramchaitanya. Ang wastong paggana ng Sushumna Nadi ay mahalaga sa pagpapanatili ng subtle na balanse ng enerhiya ng lahat ng Chakra at Nadi.

Bagama't maaaring maging medyo komplikado ang lahat ng ito, gumamit si Shri Mataji ng napakasimpleng analohiya upang maunawaan ng karaniwang tao ang "yoga shastra" (na nangangahulugang kaalaman ng isang disiplina sa Sanskrit). Sa buod, maaari nating isipin ito sa ganitong paraan. Nais nating gamitin ang ating left at right energy channel upang mabalanse ang ating mga emosyon, hangarin, at kilos habang tayo ay namumuhay at tinatamasa ang ating buhay. Ang isang balanse at nasisiyahang buhay ay nagbibigay sa atin ng mga pagkakataon upang gamitin ang ating oras nang mabunga sa pamamagitan ng pagtuon sa pangunahing layunin ng ating pag-iral sa daigdig, upang umunlad tungo sa ating pinakamataas na posibleng potensyal na espirituwal. Kaya, ang pagpapanatiling balanse at malinis ng lahat ng tatlong channel ay magbibigay sa atin ng kapangyarihan upang pamahalaan ang ating buhay, at lahat ng hamon nito, nang madali. Nararanasan at natatamasa rin natin ang lahat ng aspeto ng buhay sa isang balanse at mas makabuluhang paraan.