ಕ್ಯಾಕ್ಸ್ಟನ್ ಹಾಲ್ ಲಂಡನ್ನಿನ ಮಧ್ಯಭಾಗದಲ್ಲಿರುವ ವೆಸ್ಟ್ ಮಿನಿಸ್ಟರ್ ನಗರದಲ್ಲಿದೆ. ಇದನ್ನು 19 ನೇ ಶತಮಾನದ ಮಧ್ಯಭಾಗದಲ್ಲಿ ನಿರ್ಮಿಸಲಾಯಿತು ಮತ್ತು ಇಂಗ್ಲೆಂಡ್‌ನಲ್ಲಿ ಪ್ರಥಮ ಮುದ್ರಣಾ ಲಯವನ್ನು ಸ್ಥಾಪಿಸಿದ ವಿಲಿಯಂ ಕ್ಯಾಕ್ಸ್ಟನ್ ಅವರ ಗೌರವಾರ್ಥವಾಗಿ ಈ ಸಭಾಂಗಣವನ್ನು ಹೆಸರಿಸಲಾಯಿತು, ಇದು ಜ್ಞಾನದ ಪ್ರವೇಶವನ್ನು ಕ್ರಾಂತಿಗೊಳಿಸಿದ ನಾವೀನ್ಯತೆಯಾಗಿದೆ. ದಿಟ್ಟ ಹೊಸ ವಿಚಾರಗಳನ್ನು ವಿನಿಮಯ ಮಾಡಿಕೊಳ್ಳುವ ಮತ್ತು ಅನ್ವೇಷಿಸುವ ಸ್ಥಳವಾಗಿ ಇದು ದೀರ್ಘ ಇತಿಹಾಸವನ್ನು ಹೊಂದಿದೆ.

ಮೂಲತಃ ಕ್ಯಾಕ್ಸ್ಟನ್ ಹಾಲ್ ಸರ್ಕಾರಿ ಕಟ್ಟಡವಾಗಿತ್ತು ಇದು ಒಂದು ಟೌನ್ ಹಾಲ್. ಆದಾಗ್ಯೂ, ಇದು ವರ್ಷಗಳಲ್ಲಿ ದ್ವಿಪಾತ್ರವನ್ನು ಹೊಂದಿದೆ. ಗದ್ದಲದ ಸಭೆಗಳು, ಸಮಾರಂಭಗಳು ರಾಜಕೀಯ ಚಟುವಟಿಕೆಗಳು ಅರ್ಜಿಗಳು ಮತ್ತು ಸಾಮಾಜಿಕ ಸುಧಾರಣೆ ಜೊತೆ ಜೊತೆಗೆ ಹಲವು ಸೆಲೆಬ್ರಿಟಿ ವಿವಾಹಗಳು ಇಲ್ಲಿ ನಡೆದಿವೆ. ಕ್ಯಾಕ್ಸ್ಟನ್ ಹಾಲ್‌ನ ಬಾಗಿಲುಗಳಿಂದಲೇ 20 ನೇ ಶತಮಾನದ ಅನೇಕ ಉತ್ತಮ ವಿಚಾರಗಳು ಮತ್ತು ಚಳುವಳಿಗಳು ಜಾಗತಿಕ ರಂಗಕ್ಕೆ ಹರಡಿದವು. ಮಹಿಳಾ ಮತದಾನದ ಹಕ್ಕು ಚಳುವಳಿ, ಸಮಾಜವಾದ ಮತ್ತು ಗುಲಾಮಗಿರಿಯ ನಂತರದ ಪರಿಣಾಮಗಳನ್ನು ಎದುರಿಸುವ ಮೊದಲ ಪ್ಯಾನ್-ಆಫ್ರಿಕನ್ ಸಮ್ಮೇಳನದ ಧ್ವನಿಗಳು ಇಲ್ಲಿಂದ ಪ್ರಾರಂಭವಾದ ಕೆಲವು ಉದಾಹರಣೆಗಳಾಗಿವೆ.